one o one

2007-11-06T16:42:00.000Z

Ég trúi ekki að ég hafi ekki haft neitt að segja síðan í júlí! Það er hræðilegt!

ástæðurnar eru tvær.

a) vinnan mín.
b) persónulegt ástand

ég mun örugglega halda áfram að blogga einn góðan veðurdag ef b) breytist, þá á öðrum stað sem þegar hefur fengið eldskírnina en aðeins 1x notaður því vegna a) get ég ekki lengur bloggað hér. Læt vita þegar ég flyt.

ykkar knúsí

Ég

2007-07-29T19:25:00.001Z

nýtti helgina í að....
*
sofa mikið
setja upp skrautlista
fá mér rauðvín
fá mér steik
sofa meira
fara í bláa lónið
borða pizzu í fleirtölu
taka roadtrip á suðurlandið
versla í Kringlunni
*
ég keypti mér fyrir peningana sem frúin í hamborg gaf mér...
*
stóran grænan hring
stóra fjólubláa strand/sundtösku
dökk/glansandi/röndóttan léttan trefil
fjólubláa skó
mynd af audry hepburn
krús fyrir kaffi
græna retro kertastjaka
*
ég segji að svart, silfurþræðir, dökkir grænir litir, og fjólublátt sé málið í haust!
*
Ég var klárlega að versla mér haustdót enda er hauststemningin að komast yfir mig. Lét bikiníin, bómullarstrandpilsin og léttu sandalana alveg eiga sig á útsölunni.

2007-07-20T16:45:00.001Z

Jih dúdda. Þegar maður er með lukkutröllahárgreiðslu er ekki sniðugt að vinna á stað þar sem ég set á mig og tek af mér og set á mig og tek af mér headset 40x á dag. Það fer alltaf allt í flækju!!

Er að fara norður um helgina í rafting. Iða öll af spenningi enda erum við að fara í " one of the toughest rivers in europe" Lofað er miklu adrenalínkikki og er áin talin tilvalin fyrir ævintýrafólk og spennufíkla. Við erum að fara um 12 manna vinahópur norður og hafði ein vinkona við mig á orði: "Nú, þarf ég að róa??, ég ætla að fela mig bara í miðjum bátnum!!"

En svona án gríns þá veit ég að þetta verður ógeðslega gaman, ég hef farið 1x í Hvítá sem er mun léttari á og langaði mig strax eftir hana að fara í smá erfiðara. Hitt er eins og að sigla um sundin blá á stórri tuðru að veifa fyrir myndatökurnar. Verðum í rafting til kl 22 annað kvöld, ætlum svo að kíkja í pottana, grilla hambó og kíkja í miðnæturgolf. Læt vita eftir helgina hvernig stemmning það er að fara í svona voðalega svakalega á ;)

2007-07-15T23:08:00.000Z

Ég er orðin að hálfgerðum netlúser. Ég held uppi tveimur ömurlega óspennandi heimasíðum, einni kenndri við myspace og hinni kenndri við blogspot. Um daginn ætlaði ég mér að opna þá þriðju á 123.is en sem betur fer rann prufutíminn út og ég var ekki það einstaklega heimsk að kaupa mér aðgang. b

Blog.central.is mun ég þó aldrei fá mér, ekki að mínu sköpunargleðis skapi að geta bara valið um fáeina liti í bakgrunn.

Helgin var svona helvíti góð. Ég prófaði að fara í golf í fyrsta skiptið á ævinni ef golf má kalla.. en við erum að tala um að ég prófaði hring á velli kenndur við æfingar. .þannig að hver hola var svona að mestu 100 m. Blótaði höggsvæðinu ansi mikið í byrjun en sá svo að maður þarf víst að dúsa þar í smá tíma áður en maður fer að spranga um á golfvellinum því hvert högg skiptir gríðarlega miklu máli. Minigolf taktarnir síðan í gamla daga voru því miður ekki á svæðinu í púttinu. Hins vegar náði ég að fara eina holu á 3 höggum (man ekkert hvað það heitir.. ). Er núna með hálsríg dauðans og verki í skrítnum vöðvum í hendinni.

Lá í sólbaði í allan dag á meðan Snorri var að gera við vélsleðann sinn. Er orðin sjúk í Hús&Hýbýli, skemmtilegasta sem ég veit um að skoða það, ætla að gerast áskrifandi :) og mun fara á morgun að kaupa skrautlista sem vantar enn á íbúðina mína.

fleira var það ekki í bili þó ég hafi nú gert fullt annað líka en maður þarf ekki að skrifa um allllt sem maður gerir.. er það nokkuð?

tæknivæðing

2007-07-11T22:30:00.000Z

Hún mamma mín er ekkert smá tæknivædd, hún er með miklu miklu miklu flottari myspace slíðu en ég!

Mín: myspace.com/annagyda
Mamma: myspace.com/monikaharp

Sumrin eiga að vera eintóm sæla!

2007-06-25T16:07:00.000Z

Svo sannarlega eru síðustu 10 dagarnir búnir að vera hreint út sagt frábærir!

Júní byrjaði með mikilli vinnu og skipulagningu útskriftar eftir vinnu. Þann 16. var svo loks komið að því, við vinkonurnar fjórar að útskrifast. Helgin var hreint út sagt meiriháttar, mér leiddist næstum því ekkert í Laugardalshöll, fékk rosa flotta förðun, var ánægð með dressið og bara alsæl allt í allt. Fór í flotta veislu til Síu píu beint eftir Laugardalshöll og þaðan var næstum brunað beinustu leið í Útskriftarpartýið okkar. Að mínu mati heppnaðist það rosalega vel, nóg var af veigum og flottum snittum og allir bara mjög kátir. Fór þó heim um 2:30 eftir partýið enda vildi ég ekki vera þunn í veislunni minni daginn eftir. Um 17 leytið komu þessar geðveiku snittur í hús (ég elska veisluþjónustur) og búið var að útbúa Kirkjubrautina sem veislucenter. Fékk ofboðslega mikið af fallegum gjöfum og allt var alveg meiriháttar. Horfðum svo á leikinn og ekki spillti fyrir að hann gekk vel ;) Heil helgi fór því bara í "moi" sem var ekkert leiðinlegt og bara frábært í alla staði, þakka kærlega fyrir mig.

Síðasta miðvikudag hjálpuðum við Snorri til við tónleika Mömmu og Palla í Grasagarðinum. Það myndast alltaf jafn skemmtileg stemming þar ár eftir ár. Var að spá í því að þetta er amk sjötta árið í röð sem ég er þar að hjálpa til. Fyndið hvað tíminn líður hratt :)

Síðasta helgi var svo alveg met hjá mér! Við hættum á föstudeginum snemma í vinnu enda var stefnan tekin á rafting með verslunarstjóranana og svona lykilstarfsfólk. Jih hvað þetta var ótrúlega gaman, falleg náttúra, stökk að sjálfsögðu nokkrum sinnum af lægri og hærri klettinum, hentum fólki út í, mér var hent útí og þar fram eftir götunum. Var þó mjög sátt þegar ferðinni var lokið, þetta er BARA gaman en ég var líka BARA blaut enda gleymdi ég að hneppa jakkanum vel að mér svo bómullarpeysan mín var svona 15 kg sem ég var í innanundir. Fórum í heitu pottana enda flestir bláir og svo var bara grill og meððí. Þvílík sæla, æðislegt veður, allir hressir og mikið stuð!

Á laugardaginn var það fjölskyldudagskrá með strákana. Fórum við Esjurætur í pylsur og hoppikastala og eyddum svo deginum við Esjurætur að leika okkur í læknum og sóla okkur. Grófum svo holu um kvöldið í "vel ræktaða" garðinum okkar og bjuggum til kolagrill þar sem við grilluðum heilt lambalæri. Mmmm hvað það var gott, Snorri er snilli að elda! SOfnaði svo um 21 leytið og vaknaði 11 næsta dag! Á sunnudeginum var enn bongó blíða og þá var skellt sér í sund í 21 stiga hita og sólbað auk barnaafmælis hjá Mána junior Vidal eftirhádegi. Kvöldið fór svo í hestamennsku, þeas ég fór í gönguferð upp í sveit og hinir á hestbak ;)

Dapurlegur viðburður gerðist þó einnig um helgina... og þó.

Við erum búin að endurnýja bílaflotann eins og þónokkrir vita nú þegar og breyttist rauður Suzuki Swift árgerð 91 í grængráan golf árgerð 2004 með topplúgu ;) Við erum himinlifandi með nýja bílinn en samt var líka pínku erfitt að kveðja "gamla" Hann fékk þó virðulegan eiganda, 92 ára herramann og erum við mjög ánægð með það :)

Þá er það bara að losna við rauða tóninn úr andlitinu og borga út laun áður en að næsta helgi gengur í garð en þá er stefnan tekin á útilegu. Ég eeelska sumrin :)

2007-06-20T23:33:00.000Z

Mér tókst það!!!

Eftir nokkra mínútna hugleiðingu og skyndihugdettu skelltum við Hjördís okkur upp á Esjuna. Esjan er búin að vera á dagskrá hjá mér mjöög lengi og margoft búið að reyna að smala í hópferð sem hefur aldrei gengið upp.

Þetta var bara alveg þrælskemmtilegt, komumst upp að "steini" hittum fólk, sögðum 9x góðan daginn og 8x góða kvöldið, hittum mann sem þurfti að fara í haldarann sinn og fleira skemmtilegt fólk. Duttum næstum því ansi oft á leiðinni niður og mér líður bara feyki vel!

Næst ætlum við alveg upp á topp!

skrítið

2007-06-06T20:07:00.001Z

Eins og nú allir vita sem lesa þetta blogg (sem eru hva.. svona 4) er ég aftur komin heim frá Pariii Pariii. Ég var vinsamlegast beðin um af erlendum lesurum bloggsins að koma með smá ferðasögu og skal ég verða við þeirr bón :)

Við dvöldum samtals í 10 daga í París enda langt síðan við höfum farið út og þetta er eina sumarfríið okkar. Við vorum svona frekar óheppin með veðrið (þarf maður ekki alltaf að byrja að tala um veðrið eins og sannur Íslendingur) en fengum þó 2-3 daga alveg bongó! Mér tókst hins vegar að brenna þegar það var hálfskýjað og var því í langerma bol daginn sem var bongó, bömmer! Við fengum þá (ok ekki ég) þá snilldarhugmynd að leigja okkur hjól og er það bara svona besta hugmynd sem hefur komið upp lengi! Það er nefnilega EKKI gaman að þvælast um í neðanjarðarkerfum parisar með pissulykt og rónum innifalið. Skemmtilegra að hjóla í blíðskaparveðri (þegar svo lá við) meðfram Signu og synga fluuu flu flu flu flluuuuu (edid piaf stef) sem kk útgáfan sá um.Wellll what did we do. Ég var dregin á Louvre sem ég sé alls ekki eftir í dag þrátt fyrir 7 klst geisp þegar við vorum inn á safninu. Mikið er ÆÐI að sjá þessi fallegu gömlu málverk, algjör list. List í dag á EKKERT í gömlu málarana. Einnig var frábært að sjá visterur Napoleons sem eru einnig í höllinni. Við skoðuðum einnig Verslali sem er túúuristalegt, dýrt og svona æji jájá alveg fínt. Hinsvegar er hallargarðurinn GORGEOUS og frábært að fara þangað með nesti og nýja skó og syngja smá flu flu flu. Neðst í garðinum var svo privat höll Marie Antoinette, landskiki auk þorps sem hún lét sér útbúa fyrir sig. Hún vildi fá þorp, hún fékk þorp. Fólk hafði ekkert að borða. Hún spurði: er ekkert brauð til? Af hverju fá þau sér ekki kökur!! Síðar var hún drepin. Heimsk eða frekar, úr takt við raunveruleikann. Yeeees svo tókum við einn dag lest út fyrir bæjinn að skoða þorpið sem listmálarinn Monet bjó í, obbolega fallegt og gorgeous blómagarðar.. jiiih alveg bara æði. Þar var snætt baguette með osti og rauðvíni við SIgnu og sungið enn meira fluu flu fluuuuu. Við hjóluðum einn dag til Parísar skógar sem leit afar stutt út á korti en voru svona um 50 km.. stuð! Við hjóluðum og hjóluðum og hjóluðum með fram Signu þangað til að túristar breyttust í frakka í sólbaði og frakkar breyttust í verksmiðjur og verksmiðjur breyttust í öskuhauga og fólk sem bjó í tjöldum. Jæja, við sáum amk fallegu hliðar og ljótu hliðar parísar. Fundum loksins skógardrusluna sem var huge og sólin var farin. Fundum ljótasta dýragarð sem ég hef farið í á ævinni og skemmtilegt tívolí. Þorði samt ekki fyrir mitt litla líf í tækin enda veit maður ekkert hvernig viðhaldið á þessu (drasli) er. Svo komu þrumur og eldingar, o boy og Snorri og Anna á bol og stuttbuxum, smart! Ég vann blautbolakeppninni á leiðinni heim! Ég smakkaði sushi eitt kvöldið og eftir að við uppgötvuðum að flaskan af hvítu kostaði á þeim bæ 800 kall var ákveðið að djamma! Salsabar tók við.. þar sem við vorum krýnd bestu dansarar staðarins.. svo var okkur hent út- fífl! Við kíktum líka á barina.. skoskan pöbb þar sem við kynntumst háskólakennara í mannauðsstjórnun frá bandaríkjunum sem var á ferð með nemendunum. Hittum hann aftur næsta kvöld þá með öllum stúdents.. eftir einn kokteil vildi þau endilega fara í : i have neeeeeeeeever eeeeeeeeeeever... (ég hef aldrei, drykkjuleikinn). Frekar fyndið! Ein hafði aldrei farið í leigubíl og aldrei keypt sér nærföt! Leikurinn gekk þó aðalega út á hvort kennarinn hefði sofið hjú student einhvern tímann eða hóru eða ... eða... og hvað ég og SNorri höfðum gert! Súrealískt!. Matur í Frakklandi fær hins vegar falleinkunn og frakkar sjálfir falllllllleinkunn. Djöfull eru þeir leiðinlegir! París er samt ágæt.. ok mjög fín og ferðin var líka mjög fín :) Þá vitið þið það.

Út í aðra sálma. Mér finnst alltaf jafn furðulegt þegar ég fæ að vita hvaða fólk er í raun að lesa síðuna mína. Forvitinilegt. Þó ekki svo skrítið, ég les líka alls konar sem maður ætti kannski ekki að vera að skoða.. eða þannig... eitthvað.
*

Læt heyra í mér soon

2007-05-17T18:49:00.000Z

Ég trúi ekki að ég hafi hugmyndaflug og nennu til að blogga akkurat núna þar sem ég hef nýlokið að skrifa við 22.565 orð sem kallas B.S ritgerð öðru nafni! Dagurinn í dag var Hell. Ég vaknaði eldsnemma og las og las yfir allan daginn þar sem prófarkalesarinn minn las til 5 um morguninn.. greyið hún! Tíminn leið ég varð köflótt í framan og skrollaði fram og til baka þessar helv.. 80 bls til að reyna að laga og breyta. Efnisyfirlitið virkaði EKKI og bjargaði Eva mér svoo mikið korter í skil! Sat hérna bara næstum (ýkt til baka) grátandi.. klóraði mér í þurru húðinni, svitnað aðeins meira og hárreitti mig smá. En, ég er búin að skil! .. sem er ótrúlegt! Þetta var mega erfitt en samt svo létt. Nú krossa ég bara puttana varðandi útkomuna!

Til hamingju allir sem voru að klára háskólanám sitt í dag!

Svo stutt síðan að maður þekkti engan, sat í 500 manna tíma í Háskólabíó þar sem sumir sátu á gólfunum því ekki var nóg af sætum fyrir alla þegar Solow var predikaður yfir mannskapinn! Í næsta tíma var það stærðfræði þar sem að rússneskar fræðslumyndir skutust á milli glæra með stærðfræðiformúlum. Ósjaldan var farið í vísindaferðir þar sem dökkhærða og ljóshærða kynntust hópnum sem síðar varð Krúið sem síðar varð að vinahóp. Minnist ég flugleiðavísindaferðarinnar þar sem Sía sagði bless við Edda og fór svo heim kl 22. Meiri byttan! Ófá partýin sem haldin voru á Njálsgötunni þar sem hæst bar bikinípartýin sem urðu það fræg að fólk gogglaði þau á veraldarvefnum. Mér var reyndar ekki boðið! Við tók stanslaust stuð, Ljósanótt, Vestmannaeyjar, heimsókn Krúsins til Köben, útileigur með frisbídiskum, Hallgeirsey 2006, kaffihúsaferðir djömm, kokteilpartý og þemaafmælispartý! Jesús hvað það er búið að vera gaman! Heilasellum fækkaði töluvert í námi mínu þar sem bærinn var stundaður af kappi tjaah let me say hverja helgi. Magnið af fólki sem maður hefur kynnst og minningarnar eru gífurlegar. Lokapunktinum verður slegið á þetta allt saman þegar við stöllurnar 4 sem kláruðum ritgerðirnar okkar í dag höldum partý ársins þann 16. júní. Það verður rosalegt!

Kveðja,

Bíbí

2007-05-15T21:42:00.000Z

Jæja!
*
-1 dagur í skil til prófarkalesa
+1 dagur í skil á ritgerð og þar með lokapunkti slegið á háskólanám mitt í bili
+3 dagar í fyrsta fundinn sem ég held í vinnunni
+4 dagar í fertugs afmæli hjá systur minni
+5 dagar í að eg og Snoss förum til Paríiii Paríiiiii
+5 dagar að ég þarf að vera búin að þvo allt draslið, sjitt!
+5 dagar í að íbúðin verði spik end span
+15 dagar í að við komum aftur til Íslands.. bömmer..

2007-04-28T23:59:00.000Z

Tók mér smá pásu frá lestri og fór í gönguferð um hverfið mitt, sem sagt Laugaveginn í þessu blíðskaparveðri (auk roks). Ég tók jákvæða pakkann á þetta og smellti mér í þunnan kjól og með risa sólgleraugun mín á nefinu arkaði ég með kæró niður Laugaveginn.
*
Á vegi okkar urðu:
2 harmonikku spilarar þar af 1 að borða sardínusamloku.
17 barnavagnar
9 ungir bjartsýnismenn á bolnum
½ + ½ fyrrverandi
19 grænir frostpinnar, voru pottþétt gefins einhvers staðar en ég fann aldrei gefandann!
98 sólgleraugu
2 rónar
*
Enduðum bjartsýnisdaginn á grilli með öllu og ritgerð meððí!
Í desert var svo meiri ritgerð fyrir þá sem voru ekki komnir með nóg og réttarfar 2.
*
Að auki langar mig að óska henni Helgu "litlu" innilega til hamingju með afmælið síðastliðinn föstudag, ég sá á síðunni þinn að dagurinn hefur verið algjörlega fullkominn. Alltaf gaman að eiga afmæli! :)

Árstíðirnar

2007-04-22T23:46:00.000Z

Allir í próflestri á þessu heimili og þá dettur fólki ýmislegt undarlegt í hug, og þó...
Snorri telur það vera vísindalega sannað að maður lærir betur við klassíska tónlist, sérstaklega barrokk tónlist þar sem hún er í takt við hjartsláttinn og virkar einhvern veginn örvandi á heilann. Well, við erum búin að hlusta á Árstíðirnar eftir Vivaldi í ca 9 klst á repeat! Í verkinu eru 4 árstíðirnar, vor, sumar haust og vetur og 3 verk í hverjum mánuði. Væntanlega þá eitt verk fyrir hvern mánuð.

Við erum því búin að stofna vivaldi leik.. Með nokkru milli bili:

Snorri: Hvaða mánuður er þetta?
Anna: hmmm þetta er doldið hressandi.. doldið sumarlegt samt meira svona laufblöðin að falla.. september?

Snorri: rétt!!!

*
Próftími er óborganlegur!

Af vetri og sumri

2007-04-19T23:09:00.000Z

Ég kvaddi veturinn aldeilis með trompi, eyddi 18 klst upp á hæsta tindi langjökuls fagurlega sminkuð með snúð í hárinu og í 4 samansaumuðum sængum. Ég leit út eins og geðveikt smart tyggjó en í raun var þetta bara til að halda á okkur hita. Fyrst dunduðum við okkur við að spila kan kan, núll, ólsen ólsen og laaaaaaumu í skála hálfa leið upp á jökli. Svo var ég kölluð upp á jökul þar sem maaargra klst bið var eftir tökum þar sem veðrið var svona la la, byrjaði að snjóa og ofurkalt. Ég eyddi deginum í að sofa, vera vakin, sofna aftur, borða gúllas og hlusta á Bylgjuna þar sem skírt var frá brunanum í Pravda. Um 18 leytið gerðist það ótrúlega, á örstuttum tíma birti til og ég sá þetta ótrúlega fallega útsýni sem staðurinn hafði upp á að bjóða. Magnað svæði. Komið var að tökum. Kuldinn var yfirgengilegur. Þó ég var í leggings og frekar þykkri peysu þá er það ekki nægilegur klæðnaður fyri 15 stiga frost. Allir stjönuðu samt við okkur og reynt var að gera allt sem þægilegast eins og hægt var. Eftir 18 klst upp á jökli voru útlendingarnir komnir með það sem þeir höfðu vænst og leið okkar lá aftur niður í Reykholt til að fá að vita hvort tökur hefðu tekist og við mættum fara heim.. og já eftir sólahrings vinnu en líka ótrúlega mikla skemmtun gátum við farið heim. Að taka þátt í þessari auglýsingu tók sinn tíma, var rosalega erfitt, kalt en líka ótrúlega mikil lífsreynsla og skemmtlegt. Að dvelja svona langan tíma með 80 manns, frábæru fólki sem gerði allt sem það gat til að láta hluti ganga upp var sérstök lífsreynsla, við urðum eins og góður hópur þó við höfðum ekkert þekkst 3 vikum fyrr :) Svo gaman að kynnast svona ólíkum og skemmtlegum típum í svona absúrd aðstæðum.

Eftir 4 tíma svefn og 20 tíma vinnu er maður hins vegar úrvinda og ég var fegin að komast í rúmið í gærkvöldi, mitt eigið rúm við hliðina á yndislega kærastanum mínum. Ég var hins vegar sem rotuð í dag á fyrsta sumardeginum og læridagurinn mikli varð að yndislegum sumardegi. Eftir að ég hafði sofið úr mér kuldann til hádegis keyptum við nesti og borðuðum það í grasagarðinum, ótrúlega kósí. Fætur mínir voru sem blý af þreytu svo ég lagði mig aftur, svona ca allan daginn ;) Um kvöldið tókum við skyndiákvörðun og fórum út að borða á Hereford steikhús. Hef aldrei komið þangað og fékk mér skötusel, mjög rómó og skemmtilegt að kíkja út að borða. Fengum okkur svo ísbúðar ís í eftirmat:)

Næstu daga tekur bara geðveiki við, mig langar varla að hugsa til þess... vinna og ritgerð, ritgerð ritgerð. Vá hvað ég hlakka til þegar ég verð búin með ritgerðina, hún er eins og steinn í hjarta mínu, hugsa um hana aaaaaaaaaaaallan sólahringinn!

pé ess..
Byrja í Laugum á morgun, jessssssssss!

2007-04-11T14:22:00.000Z

Það er nú ekki í lagi með suma!!!

Við fengum til okkar iðnaðarmann snemma í morgun til að mynda lagnirnar í húsinu þar sem holræsakerfið er næst á dagskrá. Miklar framkvæmdir eru bakvið lóðina þessa stundina og því fátt um bílastæði og lagði maðurinn bílnum sínum eins og hann hélt að hann væri ekki fyrir neinum! Viti menn en nokkru síðar stendur eldri kona á þaki 3 hæða nágrannahúss og öskrar á okkur að færa helvítis bílinn og ég veit ekki hvað og hvað, hef sjaldan heyrt slík fúkyrði áður! Ég kalla á móti að hann er rétt að ljúka við reikning og farinn eftir 2 mínútur en það var ekki nóg. Hún kemur askvaðandi niður af þakinu og drullar yfir greyið manninn á þvílíkan hátt að ég ætla ekki að hafa það hér eftir. Ég skil alveg að þegar fólk á einkastæði að þá er mjög pirrandi þegar aðrir leggja í það og hef ég því alltaf virt það en þegar að iðnaðarbíll kemur sem stendur á RÖRAMYNDANIR og leggur 20 cm með aftari enda bílsins í einkastæðið þá finnst mér nú eitthvað að! Sumir kunna EKKI mannleg samskipti og þar sem þessi ákveðna kona tilheyrir FYRIRTÆKI og ég hef áður fengið yfir mig ógeðslega dónalega ræðu frá þeim þá ætla ég að lýsa því hér með yfir að ég versla ekki lengur við þetta skítakompaní 17 nema starfsfólk þess fari á námskeið í mannlegum samskiptum!! P.s. ég er ekki að tala um afgreiðslufólkið, það er örugglega mjög næs og hjálplegt!Ef fólk leysir mál með að öskra á mann eins og það sé með títuprjón í rassinum án þess að ræða málin á góðu nótunum þá má það líka alveg búast við skítkasti á móti og 1 færri viðskiptavini! Pakkkkkk!!!!

Gleðilega páska

2007-04-08T23:07:00.000Z

Ég vinn náttúrulega á baaara næs vinnustöðum. Fékk sama dag eitt stykki Nóa Siríus nr 5, fór svo seinna um daginn í hina vinnuna mína og fékk þar eitt Nóa Siríus nr 7 takk fyrir! Það ógeðslegasta við þetta er að við erum BÚIN með nr 5 og hálfnuð með nr 7, oj! Féngum bjána málshætti.. en fékk góðan frá Góu nr 1 áðan hjá mömmu í páskamatnum. "Oft er hýrt höfuð á mettum maga"! Passaði bara ágætlega við mig enda pakksödd eftir 3 rétta páskamáltíð :)

Ég er búin að vera ógeðslega léleg að blogga (surprise surprise) en hef samt gert hitt og þetta skemmtó síðustu daga.

1)Í síðustu viku fór ég upp á Langjökul í crazy veðri að taka upp auglýsingu. Eftir 12 klst bið var hætt við og to be continued í næstu viku :)

2)Á miðvikudaginn fór ég á útgáfutónleika með djammboltanum henni mömmu áSilvíu Nótt og Trabant. Ætlunin var að kíkja en úr varð heljarinnar djamm, hittum skemmtilegt fólk, nóg af ókeypis víni og rölti heim very late í háum hælum með pizzu í hönd

3)Á föstudaginn langa kíktum ég, mamma og Snorri á úrslit í X-factor. Alltaf jafn gaman að sjá úrslitin live og alveg greinilegt á salnum hver var maður kvöldsins. Mér finnst Jógvan og Hara jafn frábær, hver á sinn hátt :) Snorri litli sést í sjónvarpinu þegar Palli gefur álitið sitt ;)

4)Vann í gær síðasta vinnudag í Next.. sniffff sniff. Vala var SVO sæt að baka köku handa mér og koma með hana í vinnuna. Á eftir að sakna þeirra allra obbolega mikið.

5)Spúlaði þvottahúsið á Hverfisgötunni í dag í tilefni af páskadegi.

6)Sit núna heima hjá mömmu útbelgd eftir dýrindis páskamáltíð.

7)Páskamáltíð to be continued á morgun.. :)

2007-03-22T15:57:00.000Z

Voðalega er lífið alltaf fyndið! Þegar maður kvartar yfir því að allt gangi illa þá bara gengur allt í einu ALLT upp! :) Fékk 3 símtöl á einum sólahring sem voru einstaklega ánægjuleg og nú er bara að sjá hvað kemur út úr þessu öllu saman:)
*
Hins vegar hef ég verið að velta því fyrir mér hvað námið í viðskiptafræðinni er stundum skrítið og hvað maður þarf sjálfur að vera vakandi að velja sér réttu kúrsana sem nefnast "val". Ég vildi óska þess í dag að ég hefði amk gert EINA rannsókn á árum mínum í háskólanum og hefði lært eitthvað annað en kenningar í markaðsfræðikúrsunum sem ég tók. Þar sem spss eða slíkt var ekki á námsskránni minni hef ég ákveðið að gera eigindlega rannsókn og ætla núna að fara á Hlöðuna að byrja að lesa mér til um það ;)
*
Anna ótrúlega sátt :)

Jahérnahér

2007-03-19T19:31:00.000Z

Er upp á hlöðu að læra og þá dettur maður að sjálfsögðu svona af og til í gírinn "að gera eitthvað rosalega ónytsamlegt sem virkar samt ótrúlega spennandi þá stundina" Ég, lélegasti bloggari í heimi fór sem sagt að athuga hverjir hafa verið að skoða síðuna mín og komst að því að gegnum googlið:

* breytingastjórnun + fyrirtæki

*afeitrun

*nudd fuck

*beikon + döðlur

hafi fólk fundið leið sína á þetta glæsilega blogg! Ég skil þó ekki enn alveg þetta með nudd fuckið.. en verði þeim af því sem fann síðuna mína þannig.. örugglega mjög áhugavert þegar maður hefur áhuga á svoleiðis að kíkja í heimsókn á síðu one o one.

En já, ég fór sem sagt að skoða beikon+ döðlufærsluna mína síðan 18. maí í fyrra og byrjaði doldið að lesa bloggið mitt síðan þá og brosti smá því ég var ekkert smá jákvæð í djammlífi og skemmtlegheitum :D .. og hafði FULLT að segja, hvað varð um hugmyndaflugið? :)

EN já, ég skellti mér á fyrirmyndar árshátíð hjá vinnunni minni þar sem við Nextlingar vorum svona í eldri kantinum ;) Kvöldið byrjaði heldur brösuglega með mjög svo vondu volgu rósavíni, skemmdu hvítvíni og líkum að fá hár í humarsúpu 2/5! Lambið var þó delicious og kakan fín og bjórinn enn betri. Hljómsveitin snilld og allir dönsuðu eins og best verður á kosið! Fékk fyrirlestur um hvað ég væri nú náttúrulega sæt og boð upp á herbergi sem ég afþakkaði pent með mjög svo hneykslanlegum tón þar sem maðurinn var bæði giftur og í ágætri stöðu hjá fyrirtækinu. Bastard! Hossuðumst svo til baka á 4x4 rútu sem snjóaði inn um og komum heil á höldnu til baka um 3 leytið!

og enn sit ég á Hlöðunni, frekar eitthvað svona vonsvikin með hvað mér finnst óþarflega mikið af penum afþökkunum þessa dagana, er alveg til í að það fari að koma einhverjar súber jákvæðar fréttir :D En hver vill það ekki og þangað til hugsa ég bara, þetta gengur betur næst, eitthvað annað ótrúlega spennandi mun örugglega koma í staðinn :)

chiao,

bókhlöðu ormurinn

helgin

2007-02-27T13:35:00.000Z

Helgin var svona rosalega skemmtileg já..!
Skellti mér á föstudagskvöldinu á safnanótt með henni Laufeyju. Ég er nú ekki mikið fyrir að skoða höggmyndir eða landslagsmyndir en mikið ótrúlega var þetta skemmtilegt. Við byrjuðum á Norræna húsinu þar sem við sjáum brot úr frönsku visual verki þar sem notast er við tölvutækni, söng og dans. Mjög áhrifaríkt og skemmtilegt. Því næst færðum við okkur yfir í Þjóðminjasafnið þar sem við skoðuðum ljósmyndasýningu þar sem vinnandi fólk á 5. og 6. áratugnum var þemað. Mjög skemmtilegar myndir og myndirnar lifnuðu enn meira við því fólkið sem var á myndunum var mætt á svæðið til að segja frá. Þar á eftir fórum við á Ljósmyndasafn Reykjavíkur þar sem tvær sýningar voru í gangi, ein með sundlaugaþema og hin ljósmyndir af alls kyns byggingum á Íslandi. Ótrúlega skemmtilegt. Að lokum fórum við svo á Kjarvalsstaði (hef ekki komið þangað síðan að ég var 9 ára held ég)þar sem við horfðum á marserandi flamenco skvísur frá Belgíu. Mjög skemmtilegt sjóv þar sem ein var bitchí kennari og hinar nemendur. Þrælfyndið og skemmtilegt! Endaði svo á Hressó að sækja kjellinn og löbbuðum heim í íiíiiskulda.
*
Laugardagskvöldið var svo helgað útskriftum: við bruuuuunuðum í Garðinn með gps tækið góða að vopni þar sem við höfðum ekki hugmynd um hvert við værum að fara. Mættum til Ara í fínustu veislu með fínustu veitingum þar sem ég át yfir mig áður en við brunuðum aftur af stað í Garðabæinn. Þar komum við mátulega seint þannig að fjörið var rétt að byrja, gæddi mér á dýrindis snittum og fékk mér oggu meiri bollu (byrjaði í Arabollu;) Ákváðum svo að kíkja í þriðju veisluna í Hafnarfjörðinn þar sem systkyni Snorra voru að spila og ég hámaði enn meira í mig (skammiskamm).
*
Sunnudeginum eyddi ég í Next á meðan að Snorri bónaði bílinn hennar mömmu. Skelltum okkur svo öll saman á Shalimar sem Laufey benti mér á. Sætur indverskur staður í Austurstræti. Mér leið eins og ég væri komin til útlanda því maður kemur ekki oft inn á veitingastaði í FYRSTA SINN nú til dags á íslandi :) Fengum geggjaðan mat! Þvilík matarhelgi :D
*
Sit núna flest alla daga á bókhlöðunni og miðar bara vel áfram, þetta kemur allt þegar maður fer að sökkva sér ofan í lærdóminn :)

2007-02-21T18:38:00.000Z

Jææææja allir spenntir hvernig gengur?

Ég byrjaði á þessu svona óformlega í gær.. Borðaði ávexti í morgunmat, drakk vatn með sítrónusafa, notaði þörungadropana sem eru mjööög bragðgóðir og ofsalega heilsubætandi, borðaði spínatlauf, melónusneið með mintu, fræ og fisk án alls í kvöldmat. Í kvöldkaffi fékk ég mér svo gulróta/epla/melónu hristing. Ef maður les svona yfir þetta virkar þetta bara ótrúlega fínt! Niðurstaðan var hinsvegar að ég varð máttlaus og komst varla í rúmið í gærkvöldi. Ældi svo í nótt og var mjög slöpp í morgun. Ég efast stórlega um að einn dagur í smá heilsuátaki tengist gubbupestinni sem ég fékk og tók þessu frekar sem vísbendingu að byrja á þessu næsta sunnudag. Það er MJÖG erfitt að byrja á þessu í miðri viku því maður verður mjög eirðarlaus, er stöðugt svangur þó maður borði endalaust og þetta er eitthvað alveg nýtt. Einnig var ótrúlega erfitt að sitja bara og læra og hugsa um hvað maður væri svangur. Það er mælt með að maður byrji á þessu um helgi því þá getur maður komist yfir þennan eina svengdardag, komist gegnum höfuðverkinn sem kemur oft fyrsta til annan daginn við afeitrun líkamans og vanist því hvenær maður á að borða hvað. Svo er líka gott að hafa tíma til að hugsa um sjálfan sig, fara til dæmis í jóga, hreinsa hugann í leiðinni, fara út í gönguferð eða gera eitthvað annað skemmtilegt. Í staðinn sat ég inni að skrifa ritgerð og hugsa um hvað mig langaði geðveikt að narta í eitthvað.

Þegar ég sofnaði í nótt dreymdi mig american style hamborgara, franskar, kokteilsósu og kók. Þegar ég vaknaði í morgun var mig nýbúið að dreyma súkkulaðiköku og flatkökur með hangikjöti. Ég var ótrúlega slöpp eftir að hafa fengið gubbupestina (dem you gubbupest, ég sem var búin með 1/7 af kúrnum!!!) og ákvað að ekki væri ráðlegt að standa í svoleiðis dóti þegar maður er veikur. Þegar ég fékk aftur list borðaði ég þó hollt í dag og 2. daginn engan sykur. Snorri besti kom með kjúklingasalat fyrir mig og topp og í kvöldmat fékk ég speltpönnukökur með engum sykri, bönunum og sykurlausri sultu :)

Ég lærði þrennt:

1)Þetta er erfiðara en maður heldur, maður er ekki bara að sleppa að borða nammi í viku eða eitthvað álíka, þetta er afeitrun og líkaminn bregst við því, ef maður þraukar 2-3 daga þá á manni samt að líða ÓTRÚLEGA vel eftir á og líkamanum líka! I need that!

2)Þegar maður byrjar er best að geta dekrað soldið við sig í leiðinni, farið í gott bað, notað andlitsmaska, kíkt í jóga eða heitu pottana. Ekki er sniðugt að vera með 9 klst vinnudagskrá á planinu eða ritgerðarskrif sem krefjast mikillar einbeitingar.

3)Ég ætla mér að gera þetta í næstu viku! Sía ertu með í næstu viku?

2007-02-20T14:57:00.000Z

Jæja þá er ég búin að taka ákvörðun.

Ég arkaði í Hagkaup og Heilsuhúsið í dag og keypti það sem til þarf í afeitrunarkúr hennar Guillian. Ég keypti böns af ávöxtum og grænmeti, lífrænt ræktaða grænmetis og ávaxtasafa, fræ og bláþörungadropa sem eru blandaðir eplasafa og meeeega góðir (búin að taka pre-smakk)!

*
Ekki var þetta nú ódýr verslunarferð, manni finnst alltaf furðulegt að eyða miklum upphæðum í grænmeti en þegar ég fór að reikna saman áttaði ég mig á því að ef ég hefði lifað á hakk og spagettí, nammi, poppi, kjúkling, kóki, stjörnutorgsmáltíð osfrv hefði kostnaðurinn orðið mun meiri! Og, ég er að gera eitthvað fyrir heilsuna mína! :)

Það eina sem aftrar mér í að byrja að ég var búin að gleyma að útskriftarveislurnar sem búið er að bjóða mér í eru ÞESSA helgi og ég efast um að þar sé misosúpa, sellerí eða ávextir á boðstólnum :) Er þess vegna að meta hvort ég byrji á kúrnum í næstu viku.. ég ætla amk að borða hollt í þessari viku og hef nú þegar borðað: 1 ferskju, 1 plómu, 2 msk af fræjum, 1 dropa af þörungadropa og 1 sneið af vatnsmelónu skreytta með myntu í dag! Hjördís, hefuru enn ekki trú á mér? ;)

Ég hef sjálf eki trú á mér að geta farið í margra mánaða megrun þar sem hitt og þetta má ekki eða vakna kl 6 á morgnana og fara í ræktina, það bara get ég ekki og veit það! En að hreinsa líkama minn í 7 daga, það er á dagskrá!

*
to be continued...

fasta pasta basta heilsuhorn Önnu

2007-02-19T19:34:00.000Z

Eftir að hafa eitt deginum í að búa til grind fyrir b.s. ritgerðina mína (duuuugleg) og borða eina karmellubollu með líkjör rjóma auk tveggja pizzusneiða, babybell osts og 2 ritzkexa, kók kók kók og popppoka hef ég ákveðið að þar sem letitíma þessa árs er lokið væri fínt að byrja nýtt tímabil á smá hreinsikúr, endurhlaða líkamann1

Mér finnst þetta ótrúlega sniðug hugmynd og skil í raun ekkert í mér að hafa ekki spáð í þessu fyrr! Mér finnst alveg ooooobbolega gott að borða og hef því aldrei lagt í neina leiðinlega megrunarkúra sem láta mig bara langa enn meira í allt sem er bannað! Um daginn fékk ég þá flugu í hausinn að fara á danska kúrinn en eftir að hafa lesið mér aðeins til um þetta sá ég að líf mitt er of óreglulegt að ég hafi tíma til að matreiða allar þessar máltíðir. Auk þess kostar lítið bréf af smá vanillusætuefni um 1000 kr í Hagkaup! Sá ég því fram á allt of mikið vesen og kostnað fyrir fátækann námsann:)

En víkjum aftur að hreinsikúrum. Ég fékk þá flugu í hausinn áðan að googla: fasta. Og viti menn, ég fann þrjá kúra!

Einn byggir á 10 daga sítrónuvatnsföstu þar sem sítrónusafa, náttúrulegu sýrópoi og ákveðnum pipar er blandað saman og drukkið 3 lítra af þessu daglega. Virkar mjög einfaldur og ódýr en ég er ekki alveg viss um hvort að virkni hans sé þaaaað góð!?

Annar byggir á fræðum grasalæknis sem byggir á því að borða fyrstu dagana 2 kg af epli á dag, 3 kg af melónu eða grænmetissafa. Síðan er aukið við hráu grænmeti osfrv. Hann tekur einnig 10 daga og inniheldur eitthvað af grasalækningaefnum sem þyrfti að redda.

Þriðji er hreinsunarkúrinn hennar Dr. Gillian McKeith sem er náttúrulega algjör sérfræðingur á þessu sviði. Hann er heldur flókinn og á maður að neita ákveðna hluta kl:

7:00,7:30,7:40,9:30,10:00,12:30,14:00,14.30,15:00,15:30,16:00,18:00, 19:30 og 21:00.

Auk þess þarf maður að kaupa alls konar dót eins og eitthvað duft, afeitrunarsafa, fræ, villta blágræna þörung osfrv. Kúrinn tekur aðeins viku!

Þetta er ansi kostnaðarsamt held ég og tímafrekt en ég held að hann beri mestan árangur.

Ok 10 daga ómak en hvað fær maður í staðinn?

Þetta er eina leiðin til að losa líkamann við eiturefni sem hafa safnast þar fyrir með óæskilegum mat og lifnaði. Líkaminn geymir aðskota og eiturefni í fitubirgðum sínum. Sumir bera allt að 5 aukakíló af skaðlegum, slímugum eiturúrgangi! ojjjjj! Með því að losa eiturefnin fara einnig margir kvillar sem fólk telur orðið "eðlilega" í dag eins og þreyta, spenna, meltingartruflanir, höfuð og liðverkir, andremma, ofnæmi, naglavandamál, útbrot, þunglyndi, svefnleysi o.sfrv.Sýru og basastig jafnast í líkamanum, maður léttist um einhver kíló, þar sem líkaminn losar sig við úrgangsefni og umframfitu. Húð og hár verður fallegra, meltingin batnar, meltinarfæri hreinsast og lifur og nýru. Blóðþrýstingur jafnast út og uppbygging heilbrigðs blóðstreymis á sér stað. Það sem mér finnst jafnframt mikilvægast er að fólki líður miklu miklu miklu betur!

Ég met á morgun hvað af þessu ég prófa og læt ykkur svo vita hvort svona virki!

Leti!

2007-02-19T17:54:00.000Z

Ég er búin að vera núna löt í 52 daga. Ég þarf ekki að mæta í vinnuna nema stundum, ég þarf aldrei að mæta í skólann, ég þarf þannig séð ekki að mæta neitt né gera neitt. Líkami minn heldur að það sé jólafrí sem hægt er að liggja í leti, sofa til hádegis, horfa á bíómyndir, taka smá til og þvo eina vél, kúra með kærastanum og leggja sig aðeins meira.
*
Þannig liðu all margir dagar með engum árangri þar sem ég átti jú að vakna fersk kl 8 á morgnana, fá mér hafragraut, fara út að skokka, smyrja mér hollt nesti, fara upp á bókhlöðu, leita heimilda og skrifa b.s. ritgerðina mína sem ég hef nú þegar komist að, að skrifar sig ekki sjálf!!!!!
*
Ég er búin að koma sjálfri mér í klípu, ég á að skila fræðilega hlutanum eftir VIKU og ég er búin með 0 bls! Og ekki var það því ég var svo dugleg allan þennan tíma að klára íbúðina mína, skreppa til útlanda, vinna rosalega mikið, vera í miklu heilsuátaki þar sem 5 kg árangri væri nú þegar náð..... nei fröken leti kom í heimsókn og hefur búið hjá okkur skötuhjúunum í of langan tíma! Burt með þig, þú ert ekki lengur velkomin, nú ætla ég að vera dugleg!
*
Ég hef amk komist að því síðustu tvo mánuði að maður þarf að eiga handfylli af aga til að geta verið í vinnu hjá sjálfum sér!!!

Janúar, mánuður kulda,

2007-02-06T14:48:00.000Z

Síðasta árið var skotið upp í loft þann 31. desember með pappahatt á höfðinu og freyðivín í hönd. Vinsælt virðist vera að skipta tíma í einingar og þykir eitt ár vera góður mælikvarði, þá rifjar fólk upp hvað gerðist síðastliðna 365 daga og setur ný heit, sem það er yfirleitt búið að gleyma viku síðar!

1/12 af nýja árinu, 2007, er nú þegar liðinn. Mér finnst svoooo stutt síðan að það var 2004, ég er allt í einu að verða 25 ára á þessu ári! Ó mæ.. mér finnst tíminn síðan ég útskrifaðist úr Versló hafa liðið *fingrasmellur* svona... og hræðist að á jafn stuttum tíma verð ég orðin þrítug!

1/12 ársins er liðinn og ég hef í raun áorkað engu, enda er janúar mánuður svona típískur æji af hverju er ekki hægt að setja á hraðspól mánuður. Þó gerðist auðvitað eitt og annað smellið..Jólafríið tók enda þar sem ég æfði af krafti með Stúdentadansflokkinum, ég vann á útsölum og ég og Snorri kúrðum yfir sjónvarpi. Einnig fór hestalykt að finnast í anddyri Hverfisgötu 104b og ég þori nú að klappa ho ho án þess að fá taugaáfall. Ég hóf aftur nám í Hí við mikinn fögnuð mér sjálfrar og skráði mig í Nýsköpun og vöruþróun, sem ég skráði mig aftur úr 4 vikum seinna. Ég reddaði mér leiðbeinanda fyrir B.s ritgerð og sit nú 2 daga í viku í 4 tíma á hlöðunni við að surfa netið, skoða bloggsíður og jú redda heimildum. Einnig hló ég doldið innra með mér í enda Janúar hversu aumkunarvert sumt fólk er, að bölva öðru fólki á internetinu. Ég hló enn meira þegar ég sá fáeinum dögum síðar risavaxnar auglýsingar á strætóskýlum borgarinnar með sömu skilaboðum, allt sem fer á netið, geta allir séð.. varasamt og vægast sagt heimskulegt! Finnst orðatiltækið: "sá hlær best sem síðast hlær" mjög skemmtilegt! Ég komst líka að því í janúar hvað sumir geta verið ótrúlega barnalegir, fór í tvær vísindaferðir sem tengjast uppgötvun minni hvað sumir eru barnalegir, ég vann doldið meira, gleymdi að byrja á átakinu sem var á dagskrá, dansaði doldið mikið og horfði enn meira á sjónvarpið. Jú svo fékk ég að vita að ég kæmist ekki til Parísar þar sem flugleiðir notar sem svör við öllum spurningum reiðra viðskiptavina "fyrstur kemur fyrstur fæææær" en komst svo samt til Parísar (þeas á bókaðan miða) þar sem Snorri snilli ræddi aaaðeins við bókunarstjóra þar á bæ. Kunnum við þeirri frú bestu þakkir fyrir mjög lipra reddingu en fyrirtækinu í heild sinni engar þakkir og kvörtunardeild Icelandair svo langt frá því engar þakkir, þau eiga eitt púúu skilið! Getið lesið nánar um það í lesendadálk Morgunblaðsins á næstunni..

Janúar leið og fór! Sjitt... það var nú bara ágætt.

Febrúar byrjaði af aðeins meira krafti! Þann 2. febrúar frumsýndi Stúdentadansflokkurinn eftir 5 vikna daglegar æfingar og 1 árs andlegan undirbúning, dansleikhúsverkið Sannar ástarsögur! Mér leið eins og hetju eftir frumsýninguna, ég hafði áorkað hlut sem mig hafði dreymt síðan ég var lítil! Alltaf gaman þegar maður getur strikað eitthvað út af to-do listanum sínum! Frumsýningarpartýið fór fram hjá Helenu okkar og var vægast sagt sjitt skemmtilegt! Fram undir rauðan morgun var sungið burn burn buuuuuuuurn eins og besti bassi heims og Hrefna og Leifur hurfu í undrahúsinu í leiknum falinn hlutur. Fékk nokkra hláturskrampa og röltum sæl heim á leið um 5 leytið.. partýið breyttist víst svo í 2 manna partý sem hélt áfram til 8 um morguninn, hörkutól á ferð! ;) Einnig áttum við Snorri 6 mánaða afmæli sem er náttúrlega alveg stórkostlega skemmtilegt og fögnuðum við því á B.K kjúkling sökum tímaleysis dansmærinnar. Á to-do listanum fyrir febrúar er ýmislegt á dagskrá, svo sem að sýna dansverkið 3x í viðbót, skrifa eins og vindurinn b.s ritgerðina mína, notfæra sér hollar uppskriftir úr hollu bókinni sem ég tók heima hjá mömmu, heyra ferðasögu frá Indlandi... og vonandi eitthvað fleira sem verður óvænt og skemmtilegt.

Mars er algjörlega óráðinn og býð ég spennt eftir því að tveir erfiðustu mánuðir ársins klárast svo að 1/6 ársins sé eftir sem vonandi verður eintóm hoppandi hamingja og skemmtilegheit.

Ætlaði bara aðeins að láta heyra í mér ;)

2006-12-25T17:19:00.000Z

Gleðileg jól til allra sem lesa síðuna mína og takk kærlega fyrir allar fallegu gjafirnar sem ég fékk. Búin að hafa það ofboðslega gott og rúnta milli jólaboða. Millaball á morgun, jeij!

Jólajólajóla..

2006-12-14T13:59:00.000Z

Eina prófið mitt þessa önnina gekk mjög vel, þó próftökutími væri aðeins 1 1/2 tími og spurningarnar 15 , þar af ein 30% ritgerð og nokkrir liðir í öllum spurningum! Frekar spes! :) Veit þó ekki hvort skriftin hafi skilist á endanum hehehe...
*
Annars fór ég svona að spá í jólagjöfum úr því að ég verð að vinna næstum allan sólahringinn næstu daga. Ef þið hafið áhuga að vita hvað mig langar í þá er listinn ca svohljóðandi, þó alls ekki í réttri röð né tæmandi ;)
*
Kæri Jóli, mig langar í...
*
*fallega peysu úr Vera Moda (allt gordjös þar þessa dagana)
*stígvél
*fína svarta gellu spariskó með hæl (kaupi þá líklegast sjálf.. því ég á bara eina gyllta með bleiku blómi sem passar ekki nærri við öll spariföt)
*þvottavél (urr mín biiiilaði :(
*flottar náttbuxur
*heilsuskó (svarta)
*skóskáp
*ilmvatn
*lyklabretti
*fallega húfu og trefil
*snúru til að tengja ipodinn við græjurnar
*i-trip
*
maaan ekki meira í bili :)
*
Ég efast nú um að ég fái eitthvað af þessu en það má þó birta listann upp á fun-ið. :)
*
Væri líka gaman að heyra hvað ykkur langar í, alltaf gaman að vita hvað fólki langar í, auðveldar bæði jólagjafakaup og svo bara upp á almennt skemmtanagildi þar sem ég er svo forvitin heheh :)

Próftími!

2006-12-12T23:09:00.000Z

Ég fylltist í fyrsta sinn í dag síðan í maí smá prófskapi. Ég var að spá í að fara heim og setja 70% súkkulaðið ofan á appelsínusmákökurnar, taka úr vélinni eða sópa gólfið smá þegar Snorri dreif mig í Öskju að læra undir eina skriflega próf annarinnar. Ég get ekki annað sagt en mikið ofsalega er námsefni Iðnskólans í Reykjavík létt, só sorry! Annað hvort var ég að taka svona ofurlétta kúrsa, eða 3 ára háskólanám hefur eitthvað hert mann! En ég bara get ekki sagt að ég geti tekið kúrs alvarlega ef að ég þarf að leggja 2 klst lestur á mig til að vera undirbúin fyrir próf! Ég sem sagt tók mér frí í kvöld frá vinnu þar sem prófið er í fyrramálið og er búin að lesa litla heftið sem kemur til prófs! Glæsibær! Annað fag endaði með metinni möppu og 3 skyndiprófum. Þegar ég ætlaði að mæta í síðasta kennslutímann og var ansi sveitt yfir að ég átti nokkkkur verkefni eftir í möppunni fékk ég símhringingu frá kennaranum. Hann var búinn að meta möppuna upp á 9,5 og lokaeinkunn mín væri 10 svo ég þyrfti ekkert að mæta! Þakka þér og jeij! Þriðja fagið sem ég kláraði í þessum skóla var lokið með möppugerð. Finnst mér doldið spes að einkunn byggist aðeins á listrænum hæfileikum sem eru væntanlega ekki fengnir á 3 mánaða ferli. Þar sem ég var aðeins fær um að teikna óla prik í upphafi þess kúrs er ég þó ánægð að hafa náð honum bara, svo hljómar námskeið í tískuteikningu líka bara svo obbolega kúl á cv-i.

Fyrir utan þessa klukkustund sem ég eyddi í prófalestur hef ég dvalið í lengri tíma í Next við að endurraða fötum, segja hvað er hipp og kúl og dressa húsmæður Íslands upp fyrir jólin. Skemmtilegt nokk og hef ég alveg lúmskt gaman af verslunarstörfum, litauppröðunum og efnisfræðslu.

Þá tíma sem ég var svo hvorki í Next né klukkutímann sem ég eyddi í prófalestur fórum við Snorri á jólahlaðborð í Perlunni .. mmmmmmmmmmmmmmmmmm ég var södd í 3 daga eftir á. Þetta var allur pakkinn með konfekt og freyði í fordrykk, rauðu með matnum og dádýrasteik og you name it. Seinna um kvöldið fórum við í þrítugsafmælið hans Sigga bróður Snorra sem var meget stuð. Hann var með veislusal upp í Mosó með svignandi hlaðborð (omg! var í Perlunni) kassa af rauðu og milljón flöskum af sterku. Mín sturtaði í sig smá gin&ton og endaði á dansgólfinu með mömmu hans við trilltan undirleik meget skemmtilegrar hljómsveitar. Heavy gaman að kíkja aðeins út þar sem eiginmaðurinn oooog allur vinahópurinn eru í prófalestri..

Bið að heilsa í bili, kem með næsta pistil þegar ég kemst næst í net!

2006-11-27T16:59:00.000Z

Eftir nokkurra vikna hlé á skrifum er ég komin aftur. Framkvæmdirnar undu upp á sig og fyrr en varði er nokkurn veginn flest allt orðið í góðu ásigkomulagi eða nýtt og betra komið í staðinn ;) Vá hvað ég nenni samt ekki að einangra aftur loft eða skella mér í þess konar framkvæmdir, þannig að ef þið ætlið að skera niður steinull- ekki hringja í mig ;) Fór áðan með múttu í leiðangur að kaupa jólagjöf handa litlu prinsessunni og kemur því jólagjöf nr 1 í hús annað kvöld, sjibbí! Fæ ég hana 28. nóvember því hún er allt of stór til að komast undir tréð og mig langar að sitja á einhverju til 24. des ;) Ég keppist því þessa dagana við að lakka hurðarkarma og gluggakistur svo ég geti loksins farið að hengja upp fína jólaskrautið mitt úr Ikea ;) Já það eru aldeilis húsmæðradagar á Hverfisgötunni :) Þið verðið svo bara að fara að kíkja í heimsóóókn- og innflutningspartý verður to be continued þegar allir skemmtilegir hafa tíma :)

2006-10-07T11:33:00.000Z

Þá er víst komið í 24 skiptið að einum af skemmtilegustu dögum ársins, afmælinu! Ég hef alltaf verið lítil afmælisprinsessa og hef alltaf hlakkað hrikalega til að eiga afmæli :) og í dag er komið aftur að þeim degi, ár í að ég verði hálfþrítug svo best að nýta tímann vel á meðan maður er enn ungur! :D Ég er farin í brunch með mömmu að hafa það gott.... :)

2006-10-05T16:23:00.000Z

Þá er það staðfest.. grænn er nýji uppáhalds liturinn minn!
Eftir að blár hefur verið efst á óskalistanum hjá mér síðastliðin 23 ár þá held ég að sá græni hefur tekið við af þeim bláa í tilefni þeirra 24 ára sem ég hef lifað næsta laugardag :)
*
allt er vænt sem vel er grænt ;)

Þá er komið að því..

2006-09-29T10:10:00.000Z

ég er að flytja í sætu sætu íbúðina mína!

Í dag byrjar nýr áfangi í lífi mínu, ég og Snorri erum að flytja í elsku sætu bestu íbúðina í bláa húsinu :) En áður en það verður hægt að raða í dúkkuhúsið verður hart hafist handa við að rífa niður lofið og sjá hversu mörg rottulík við finnum þar auk kannski fjársjóðs? Ég býð ykkur öllum í kokteil ef slíkt gerist ;) Þegar skítavinnan er búin hefst svo næsta skítavinna, að skrúfa upp fallega nýja loftið mitt og ullina svo við fáum privacy í íbúðinni:) Þegar það er svo allt líka búið (úff hvenær ætli það verði) þá er komið að því að setja upp fallegu eldhúsinnréttinguna sem ég er búin að velja mér og ljósið og mósaíkflísarnar og náttúrusteininn og og og..

Ég býst við að vera að baxa á Hverfisgötunni flestan minn lausa frítíma svo ég væri obbolega glöð að fá ykkur í heimsókn ef þið verðið einhvern tímann á rölti um miðbæinn.. ég mun reyna ða eiga kók í kæli og kex í skáp :)

í fréttum er þetta helst..

2006-09-04T21:41:00.000Z

það er rétt Hjördís mín, af nógu er að taka!

Í fréttum er þetta helst að...

minns er byrjuð í Iðnkólanum að sauma út 2 cm til hægri og 3 mm til vinstri auk þess að teikna (já teikna, ótrúlegt að það sé hægt að kenna mér það!) sem er alls ekki leiðinlegt þar sem maður fær fyrirlestur um tískustrauma á meðan. Svo læri ég um efni og að teikna í þrívídd sem ég geri með 16 ára krökkum, ég náði þó blessunarlega að komast undan leikfimiáfanga 603 sem troða átti mér í. Ég er sátt og glöð- gaman í skólanum :)

það er komin dagsetning á flutninga, ég mun flytja 29.september af Kirkjubrautinni /Bólstaðarhlíðinni. MJög spennandi tímar framundan. Búin að eyða flestum frítíma í að skoða panelplötur og stálull í Húsasmiðjunni, borðplötu og innréttingu í Ikea og blöndunartækjum í Byko. Segið svo ekki að maður styrki alla jafnt ;)

Ég er búin að næla mér í draumaprinsinn minn og er á bleiku skýji.. vonandi verð ég á því sem lengst! :) Var að enda við að fá andlega fullnægingu þar sem eldað var fyrir mig ostafyllt lambalæri með sultu, villisveppasósu, gulum baunum, grilluðum lauk og tómötum- aldeilis fínn mánudagsdinner á ferð - ég er Sppprungin!

Ég var í Þórsmörk um helgina með Snorra (yes he has a name) bróður hans, þýskri stelpu sem býr hjá mér og 3 litlum kútum. Við fengum beeeesta veður í geimi og áttum góðar stundir í bikiníi í sólbaði í heitum potti. Um kvöldið var eldaður dýrindis matur, spilað, drukkið og sungið og spilað á gítar. Á sunnudeginum var enn bongó blíða og við keyrðum yfir hverja ánna á fætur annarri öllum til ómældrar spennuþrungnar gleði og ævintýraánægju. Okkur fannst svo tilvalið að "skreppa" í "leiðinni heim" til Landamannalauga sem voru 50 km önnur leið á versta hálendisvegi ever! Fórum þar í bað í náttúrunni við undirleik osta með sultu og bjórs. (djíh i'm getting fat!).

Já svo er ég víst -vonandi- komin með vinnu fyrir veturinn, fer í prufuvinnu á fimmtudagskvöldið- allir að koma að heimsækja mig í N**t í Kringlunni :)

Kvöldfréttum er lokið , við sjáumst aftur annað kvöld að sama tíma.

Heilsuátak dagur 1

2006-08-18T09:28:00.000Z

Anna Gyða íþróttaálfur fór út að skokka í góða veðrinu í gær á Ægissíðunni. Þegar ég var yngri var ég mikill hlaupagikkur og tók þátt í hinum ýmsu mótum og skemmtiskokki mér til yndis og gamans. Ég æfði nú ekkert mikið en hafði alltaf þol til að vera í einu af efstu sætunum í keppnum. Rústaði t.d. Neshlaupinu einu sinni, hljóp bara á fullu 3 km og var langfyrst í mark. Furðaði mig á því af hverju aðrir væru svona lengi að þessu, þetta væri nú bara smá hlaup! Enn þann dag í dag hef ég staðið í trú um að ég væri í góðu formi, tjah þó ég geri mér fyllilega grein fyrir því að ég get ekki lengur gert 15 armbeyjur eins og þegar ég var í Versló, heldur meira svona 2! Hvernig gat ég blekkt sjálfa mig á því að ég væri þá í svaka hlaupaformi? Því ég hef skokkað 15x og horft á sjónvarpið í Laugum? Ég sem sagt fór út að skokka í gær með blýfætur, endalaust af slími og svita. Mér tókst að skokka ca 1,5 km og labba 1,5! Ég hef aldrei áður labbað neitt þegar ég hef skokkað! Ég er sem sagt byrjuð í heilsuátaki og gekk dagur 1 svona glimrandi vel. Ég stóðst meira að segja tvær risa vínarbrauðslengjur með súkkulaði sem Palli kom færandi hendi heim til okkar í gærkvöldi!

Þjóðhátíðarpistil segið þiiiiiiiiiið!

2006-08-15T13:53:00.000Z

Eftir að sími Aldísar fauk af þaki bílsins á Seltjarnarnesinu sem við föttuðum í Grafarholtinu komumst við klakklaust í Dallinn. Eftir dýrindis samloku lögðum við okkur á mjúka kodda og slefuðum á þá við væran undirleik vélarinnar í skipinu. Við komu í Vestmannaeyjum var að -sjálfsögðu- rigning, en ekki hvað og Egill Aldísar pabbi skutlaðist eftir okkur skvísunum. Eftir knús og hæ við Hjördísarforeldra var minni skutlað í fúll out regngalla af yfirlögregluþjóni Vestmannaeyja og hitti skvísurnar í Skonsukotinu, 2. tjald til vinstri í Lundaholum! Elías stórvinur minn var ekki jafn hress þar sem hann borðaði kjötsúpuna sína hálfdauður og reyndi að búa til gítarnögl úr bréfþurrku. Kann ég foreldrum hans bestu þakkir fyrir fyrirtaks Lunda. Leiðir mínar og Elíasar lágu aftur saman um kl 6 um morguninn þegar kappinn var enn á lífi, bakpoka, síma og allslaus! Hvar er brúðarkjóllinn hennar Hjördísar ? Um 6 leytið var ákveðið að skunda heim á leið eftir að hafa spurt Rotta og vin hans hversu gamlar við værum þar sem svarið var: "fæddar '88" og buðum við þeim heim í foresome. Röltum heim á leið þar sem Anna fann hlaupahjól henni til mikillar gleði á meðan aðrir héldust í hendur.

Laugardeginum var eytt í hambó í skýlinu, pottapartý með Rannveigu og svo dýrindis steik á Áshamrinum! Þvílík veisluhöld alltaf þar á bæ og kann ég íbúum mínar bestu þakkir fyrir frábæra vist 3. árið í röð. Leiðin lá svo niður í dal þar sem ógeðskjólar voru dregnir fram um nóttina og notaðir yfir gúmmíregngallann, dansað var upp á borði í techno tjaldinu, trallað við Jet black joe-þeir voru svooo flottir og náð sér í skonsur þegar Todmobile voru að spila. Það er bara ekki töff að mæta í nornaruslapoka að spila! Flugeldasýningin einkenndist af tveimur ljósum bamm og 3 rauðum bammm.. enda svartaþoka! Nokkrum sinnum var skvett úr henni í brekkunni, hitti Óla vinnufélaga og kroppað í meiri lunda í tjöldunum. Næsta atriði setjum við á *bíb* og þá fór ég í gítarpartísleit. Endaði í VKB tjaldsen að tralla til 9 um morguninn þegar mr handsome slummaði mrs manson! Rannveig sá um morguninn tvöfalt.. voru það bræður?

Sonntag var það kjötsúpan góða hjá Aldísar og Eyglóar pabba sem mettaði vel þynntan maga. Um kvöldið var svo dýrindis jólamatur hjá Hjördísarforeldrum, hangikjöt og meððí.. slurp. Fyllt var á stóra stóra rauða brúsann með mæliglasi því ekki mátti vodkinn vera of sterkur, skonsubox í hönd og appelsínugular auka pollabuxur á öxlum! Bubbi elskan var þá byrjaður að spila í brekkunni og maður fékk næstum því fuuuuuuúglnægingu nema hvað þegar leynivinurinn hringir í Hjördísi og spyr hvort hann megi þyrla hana! Árni elskan Johnsen spilaði og söng og brekkan söng og rúllaði sér í drullunni! Eftir nokkrar byltur var komið að llllllífið er yndislegt og fallega bleikum upplýstum dal með blysum. Gott að gæða sér þá á Dooleysnum! Ég er stór, 5 fm metrar frá litla pallinum, grænum regnjakka, og Valur Fannar var fundinn! Veit ekki hvert kvöldið fór enda kláraðist þessa helgi líter af vodka, lítil malibú, gajol flaska, kippa af bjór og dooleys flaska. En um morguninn voru allir orðnir hressir og skítugir, Smári upp á sviði og allir í ruglinu. Hitti þá aftur mr kókosbollukiller og var honum strítt þangað til ég fór í Herjólf. Arkaði í Herjólf og þjóðhátiðin er ekki enn byrjuð þar sem ég er ekki enn búin að fara í Bekkjarbíl! Hitti nývaknað lið í Herjólfi, tróð mér í barnavídeóhornið, hitti Elías, fékk tópasskotssopa hjá ókunnugum, splæsti í samlokur og malt og drapst þangað til ég komst á leiðarenda! Rannveig bauð mér 15 cm í 30 cm kojunni sinni en fékk aðra ljóshærða snót sér við hlið, greyið!

Takk svo rosalega kærlega fyrir mig allir sem voru með mér þessa ógeðslega skemmtilegu helgi!

Þjóðhátið, best í heimi!

Maður getur ekki annað en verði hressss með þessi gleraugu!

2006-08-15T13:31:00.000Z

LEYNIVINAVIKA

2006-08-02T14:43:00.000Z

Hæ alle sammen!

Ég held að við hefðum öll gott af smá leynivinaviku og heyrðist á kommentum að fólk hefði áhuga á þessu. Ég hef sjálf aldrei tekið þátt í svona en mín uppástunga að leynivinaviku virkar þannig:

*
Þeir skrá sig í kommentakerfinu hér að neðan sem vilja taka þátt. Hlutlaus aðili (sem er ekki með í leynivinavikunni) dregur nöfn hver verður með hvaða leynivin. Allir fá email hvern þeir eiga að dekra í leynivinavikunni, maður fær sem sagt nafn sem maður á að dekra en veit ekki hver dekrar mann sjálfan (þetta er allt mjög leynilegt enda á það að vera leynivinur). Svo er bara að vera góður og sætur í sér og gera eitthvað fallegt fyrir viðkomandi a.m.k. 3 x í vikunni (maður hefur sem sagt 7 daga). Það má í raun vera hvað sem er, láta hugmyndaflugið ráða! Hægt er að senda sætt sms af siminn.is, finna skemmtilega texta á netinu sem passa við viðkomandi og senda í pósti (verður allt að vera háleynilegt og nafnlaust nefnilega ;) eða gera hvað sem viðkomandi dettur í hug. 1 af þessum 3 skiptum ætti svo viðkomandi að gera eitthvað örlítið stærra fyrir leynivininn, senda rós, hengja rúnstykki á hurðina á sunnudegi, baka muffins, senda flott kort í pósti eða hvað sem viðkomandi dettur í hug og heldur að þeim sem maður á að dekra hafi gaman að. Við erum alls ekki að tala um einhverja þúsundkalla, bara eitthvað lítið og sætt :) Í enda vikunnar (sunnudegi) má svo láta vita hver leynivinurinn er :)

Ég held að við höfum öll gott af þessu, ekkert skemmtilegra en að sjá að einhverjum þykir vænt um mann og gera eitthvað fallegt fyrir vini sína sem maður gefur sér oft ekki tíma til í amstri dagsins.

Endilega kvittið í kommentakerfinu þið sem viljið vera með og hvenær þið hafið áhuga á leynivinavikunni.. ég sting upp á 14.-20. ágúst! Ef þetta heppnast vel er hægt að halda svona aftur í haust :)

Hver er svona sætur?

2006-07-26T09:41:00.000Z

Ég held ég hafi fengið álfa sms í fyrrinótt! Ég sá það amk ekki fyrr en eftir hádegi í gær að ég hafi fengið svona obbolega sætt sms.. Ég sakna þín.. sent af Símanum án undirskriftar. Nú er ég rosalega forvitin hver var svona sæt/sætur í sér :) ætli þetta hafi kannski ekki verði til mín og einhver slegið inn rangt númer? Vonandi saknar mín einhver, amk þótti mér rosalega vænt um þetta sms! Takk sá/sú sem sendi mér þetta.

Þetta skemmtilega atvik minnti mig á góðan leik. Leynivininn! Mig langar í leynivin! Ég ætla að hafa leynivinaleik þar sem ég verð starfsmannastjóri í framtíðinni :)

2006-07-22T13:25:00.000Z

Enn eins nilldar helgin í gangi, ég elska sumarið! :)

Helgin byrjaði á work in process sýningu hjá okkur í dansflokkinum. Það myndaðist ótrúlega skemmtileg stemning og gekk mjög vel, held að allir geti verið sáttir! :) Eftir það var kíkt á Sólon í smá snæðing þar sem allir dansararnir voru glorhungraðir! Ég fékk mér baaara góðan djúpsteiktan camenbert með ávöxtum, sultu og ristuðu brauði, crazy gott! Eftir nokkra öl kíktum me and the guys svo á Barinn, en ekki hvað... Barinn á ALLTAF eftir að minna mig á sumarið 2006! Ríghélt reyndar í leðurjakkann í þetta skiptið!:D Var þar svo alveg óvart til 3, hittum Ernu og Atla og bara eintóm gleði í gangi! Eftir að hafa sofið svona glæsilega út í morgun ákvað ég að skella mér með í útilegu með vinum minns og er ég í þessum töluðu að bíða eftir að verða sótt, með nýjan röndóttan tjaldstól í farteskinu, kjöt, gráðaostasósu, gular baunir, kartöflusalat, ferskan ananas, bláber, harðfisk, bjóóhór og sitt hvað fleira í pokahorninu. Verður ótrúlega næs að skella sér aðeins út fyrir bæjarmörk og slappa af í góða vina hópi!...

*
Humm þessi færsla snerist bara um mat, sjettt!

og já, það er grein um stúdentadansflokkinn á bls 42 í Fréttablaðinu í dag, ótrúlega fínt! :)

Tónlist..

2006-07-13T12:12:00.000Z

Ég er ofsótt af lagi þessa dagana!

Sú staðreynd er í raun ótrúlega óþægileg en aftur á móti líka stórskemmtileg þar sem um er að ræða uppáhalds lagið mitt! Undanfarna 3 morgna þegar ég hef stigið upp í bílinn (minn), alltaf um kl 8:57 þar sem ég er oft pínulítið sein svona snemma dags (þar sem ég sef yfirleitt til 8:37 *hóst*!), kviknar á X-inu þegar ég ræsi bílinn..

og ég heyri: Over and over, með Hot Chip! Kl: 8:57 á hverjum morgni! Playlistar hjá útvarpsstöðvum hvaaaaað?
En sagan er ekki búin, síðustu tvo daga þegar ég hef svo keyrt heim til mín um 17:03 hljómar ovar and over i útvarpinu! Þetta er alveg fáranlega kaldhæðið þar sem ég grátbið alla dj-a um helgar að spila þetta lag- við misjafnar undirtektir! Þetta lag kemur mér ALLTAF í stuð og fær mig ALLTAF til að brosa! :)

smá skilaboð í lokin:

Partýteiti heima hjá minns á laugardagskvöldinu 15. júlí.. Allir hressir og skemmtilegir velkomnir (þ.e.a.s svo framarlega sem við þekkjumst! ;)

2006-07-11T11:07:00.000Z

Ég veit fátt ógeðslegra þessa dagana en þegar ég teygji mig upp í hillu til að ná mér í hvítan ómerktan bolla til að sötra teið mitt úr, frammi við skrifborðið mitt, en þegar við mér blasir þessi ógeðslega klessa af gömlum varalit sem hefur ekki náðst af í uppþvottavélinni. Í gær var það appelsínubrúnn, í dag bleikur!*

Helgin:

2006-07-10T10:24:00.000Z

Föstudagur:Rauðvín og ostar, bjór með vinnufélögunum, partý með dansfólkinu mínu, smá trúnó, smá flipp en mest af öllu gaman! Dansveisla á Barnum, ölvun og trans dans.. gaman gaman!

Laugardagur:vaknaði sæl og ánægð, prufukeyrði nýja fákinn niður í bæ með gus gus í eyrunum. Heimsótti Síulíus í búðinni og hékk þar 70% opunarntímans. Rotaðist, þreytti maðurinn! Elduðum pasta og horfðum á skjá einn. Þar á eftir videoókvöld, súrealískasta mynd ever, svo sæt og næs.. svo skemmtilegar svona myndir sem láta mann hugsa, samt lét hún mann ekki hugsa, flottir litir samt og skemmtileg persónusköpun...... og kvöldið svo obbolega næs!

Sunnudagur: Ah svo gott veður, lærði Guttapössun, nú er að standa sig svo kisi verði ekki hungraður, rúntaði með mömmu til Keflavíkur, rúntaði ein til baka, sólbað og ársamloka. Leikurinn.. missti mig í klappi og öskri og sofnaði á víxl. Spjall með góðum vinum. Alltaf svo gaman að fá heimsókn.

Er í skrítnu skapi eitthvað...

Búhúhúhúhúúuu

2006-07-04T23:02:00.000Z

Neeeeeeeeeeeeei ég trúi þessu ekki! Ég sem var alveg að fara að fylgjast með heimsmeistaramótinu, og hvað sé ég á textavarpinu þegar ég kem heim af æfingu! Mínir kæru landar dottnir úr keppni! *snýtuklútahljóð*..

2006-06-29T09:16:00.000Z

Er þetta ekki komið gott bara? :)

Tískustraumar koma og fara. Fyrir 2 árum byrjuðu allir að blogga, það var ekkert smá kúl! Samskipti fóru fram gegnum kommentakerfi bloggheimsins og sá var mest töff sem var með flesta linkana. Upp á síðkastið hafa margir góðir pennar lagt upp laupana en líka nokkrir /égborðaðiskyrímorgunamtogfórsvoísturtu/ bloggarar. Ég er svona AÐ gera upp við mig hvort ég nenni þessu lengur. Þetta var ótrúlega gott kikk á sínum tíma.. fáranlegt hvað það er næs tilfinning að geta tjáð sig og fullt af ókunnugu fólki mögulega lesið það. Hins vegar fylgja bloggskrifum einnig leyninjósnarar, sem finna út að ég tók þátt á Goggamóti þegar ég var13 ára, vann einu sinni Neshlaupið, vann bíómiða hjá Mastercard, fór að drekka bjór eftir Golfmótið í fyrra og skrifaði undir einhvern #$%&% lista að það ætti að hrekja einhvern greyið bónda í burtu frá Ísafirði því hann safnar fínum bílum. Það var óvart.

Ég er á báðum áttum og ætla því ekki að loka síðunni alveg, ég gæti t.d. fundið fyrir ólýsanlegri löngun í haust að skrifa um Iðnskólaævintýri.. og löngu eftir það um för mína á vit ævintýra í útlöndum. Ég mun tóra hér eitthvað áfram.. og kaupa mér nýjan blogg anda á Ebay.

2006-06-22T16:17:00.000Z

Dúm, dúm, dúm, dúm, dúmdibidí, dúm, dúm!
*
Ég er orðin iðnnemi! Veeeeeeeeeeei

Af engisprettum og beislituðum sokkum...

2006-06-19T09:38:00.000Z

Ég skil stundum ekki drauma og af hverju mann dreymir! Í nótt dreymdi mig að ég væri að eltast við ljótt skordýr sem var að asnast inni hjá mér og mamma var að reyna að veiða því mér fannst það svo ljótt. Jæja.. svo dreymdi mig að ég væri á Supergrass tónleikum með honum Elíasi og þeir voru í Hallgrímskirkju.. ahaaa. Viti menn en allt í einu var ég mætt í brúðkaupið hennar Guðbjartar þar sem hún var að giftast Árna sínum. Obbolega sætt. Stuttu seinna er atburðarrásin í rútu þar sem Elías vinur minn er allt í einu að fara að gifta sig.. "hvort parið giftir sig á undan, spyr einhver í rútunni". Það sem er í beislituðum skóm! Mér verður litið á fætur Elíasar þar sem hann er í svona skautabúnings húðlituðum skóm með kúrekahæl. Svo er hann í þessum fínu hvítu og fjólubláu munstruðum fötum, auk fjólublárra leggings.. Áður en ég veit af er ég mætt í brúðkaupið og þá er Gunnar bróðir Árna mættur að giftast Guðbjörtu. Ég bara bíddu var ekki Elías að fara að gifta sig og bíddu Guðbjört var að giftast Árna rétt áðan.. þá fékk ég svarið" jájá þau eru gift þetta er bara svona platathöfn til að fá fleiri kræsingar!

Ég held ég hætti að sofa.. þetta er of mikið rugl að dreyma svona lagað! :D

Annars er það að frétta að mín átti ánægjulega helgi á Barnum og Vegó.. auk þess sem einhvert ógeðslegt FÍFL smallaði rúðu í sætu íbúðinni minni.. eeeeen lán í óláni (eins og virðist vera venjan hjá mér þessa dagana..) að ég er tryggð og fæ þetta alveg bætt. :)

Eigið góðan mánudag.. rútínan er alveg að fara hérna með mig.. komin með ógeð að hugsa í 5 og 2 daga einingum :)

Eitt að lokum, þar sem ég er orðin svona lélegur bloggari:

Laufey, innilega til hamingju með afmælið í dag! :)

2006-06-14T16:41:00.000Z

Hún mamma mín.. snillingur með meiru, á afmæli í dag :) Byrjuðum daginn á því að ég kreisti ferskan appelsínusafa handa okkur í morgunmat og bjó til omellettu og svo er afmælis matarboð í kvöld og sérbökuð marengse terta í eftirrétt a'la Anna. Hún heppnaðist furðu vel miðað við að ég bakaði síðast fyrir 8 árum! Svo verður skellt sér í party og co spilið eða eitthvað álíka..

*tsjeng tsjeng..

Hrmpf! skeifuAnna

2006-06-12T09:32:00.000Z

Vil fara að losna við þetta óhappa!!! sem er að elta mig á röndum..

Hvenær gerist eitthað súper skemmtilegt og jákvætt.. Eða einblíni ég bara á það neikvæða? Hef amk lent í 2 áföllum núna á 2 vikum.. Finnst ég vera föst í neikvæðum atburðum,rútínu, slæmum fréttum og ljótum sögum bæði úr einkalífi og þjóðfélaginu. Fer nú vonandi að finna stigann upp úr þessari holu og vera aftur hress og kát.. enda er suuuuumar og þá á maður að vera glaður og njóta lífsins :)

Allir að styrkja mig svo í leðurjakkasjóðnum mínum...:) ;) margt smátt gerir eitt stórt hehehe ;P
og vonandi á "#$%%&/ beljan sem stal draslinu mínu gott líf!!
*
Kann einhver brandara? Það er jú Mánudagur og hressing væri kærkomin :)

2006-06-09T00:17:00.000Z

furðulegt!

2006-05-18T00:32:00.000Z

Er í furðulegu skapi, var að skoða bloggsíður og ætlaði að kommenta á fjórum, kommentaði en eyddi því síðan út. Ætlaði að tala á msn en eyddi því út áður en ég skrifaði! Kannski það sé út af french maniqure sem er að þorna á puttunum svo ég verði fín á fyrsta vinnudegi í bankanum? kannski kannski.. kannski er ég líka bara að hugsa.

Fór á átakanlegt dansverk í gær með Síulíusi, Marlene Dietrich á vegum Íslenska Dansflokksins. I byrjun hugsaði ég "hmmm", í miðju verki hugsaði ég "úffff" og í endann hugsaði ég "vaaaá"! Svo sat ég bara og starði í strætó og sat og starði í sófanum hjá Síu. Svakaleg skilaboð í gangi, geggjað verk!

Kíkti á kaffihús í dag og útskriftarsýningu LHÍ! Þ.e.a.s það lokaði eftir korter svo ég náði að skoða appelsínugula uppþornaða deigklessu, fatahönnunina (enda mér mjög ofarlega í huga þessa dagana!) og súkkulaði freistinga í formi putta, og táa! SNILLD! Ætla aftur á sunnudag og skoða alla sýninguna! Listamannshjartað slær eitthvað voða dátt í mér þessa dagana.. og hugsunin.. hugsa skapa og lesa:)

próflokadjamm!

2006-05-17T01:10:00.000Z

Eftir próflok
Út að borða með mömmu á Tapasbarinn!
forréttur: kaldur chilli rækjuréttur, smokkfiskur, kartöfluréttur og skelfiskur/döðlur/beikon á spjóti auk freyðivíns
aðalréttur: lambaspjót, kjúklingaspjót, svínakjötsspjót, bakaðan saltfisk, humar, paella með hörpuskel/humar/ostrum auk lunda með bláberjabrennivínssósu!
að auki sangriu!
*
ég gjörsamlega slefaði yfir þessum mat! Elska gourme mat!
*
Partý hjá Vidda:
Bjór, eplasnafs, malibu, fullt af skemmtilegu fólki! Frábært partý!
*
rölt í bæinn..
*
Ari í ögri:
Gítarpartý dauðans, bara snilld!
*
Kofinn:
Tjúttað!, sötrað bjór, reynt að dansa, reykur reykur..
*
Vegamót:
.. Anna og Sía: það er engin rööööð! Hinir: gott að láta eina blinda og eina nærsýna tékka á röðinni, stelpur það eru þrír að bíða! Dansidansidansireif partý! sólgleraugu! var sól inni? Sól úti, Vegamót loka!
*
Partý á Hverfisgötunni:
Grease, chill, meiri bjór, hvar er beikonið? Greining skós, skór út í glugga! Með sparibauk? Tími til kominn að fara heeeim!
*
Pizza King:
Eina sneið takk!
*
svo gott veður kl 7.. allir út um allt í sólbaði með pizzukassa!
*
7:29 stimpla mig inn á Kirkjubrautinni!

2006-05-13T17:22:00.000Z

og þá er námi mínu lokið prófalega séð við Háskóla Íslands og ég er einni ritgerð frá titlinum viskiptafræðingur :D Skelf af hungri því ég kom engu niður fyrir prófið, er með sár á puttanum eftir skriftarkrampa og er með sólgleraugu á hausnum og eplasnafsflösku í veskinu! Mikið ógeðslega verður gaman í kvöld! Búið að gera samning um að það megi ekki tala um skóla né framtíðarplön.. ég vil bæta minni ósk við að það sé einnig bannað að tala um geitunga og græna sokka! Held að markmið okkar flestra sé að detta á skallan í kvöld enda geðveikt langt síðan síðast, dansa eins og asnar og sofna einhvers staðar hauslausar svo á bekk undir morguninn í miðbænum! Ekki spillir fyrir að afmælisbarn verður með í hópnum frá miðnætti!
*
saga kvöldsins tomorrow..! stay tuned..
*
Hjördís og Ari.. æjjji knús ;) hihihi

2006-05-12T00:08:00.000Z

Þá veit ég að ef ég væri pizza væri ég pizza með öllu, ef ég væri kaffi er ég frappachino, ef ég væri tungumál er ég spænsk, ástarelementi mitt er eldur, japanska nafnið mitt væri Rai Matsuki, ef ég væri smákaka væri ég smákaka með jing og jang merki á sem skreytingu, ef ég væri álfur héti ég Booty Snow Bunny og ef ég væri bjór væri ég heineken......
*
farin að sofa! Svona kannanir eru allt of tímafrekar! :D

Af pizzum og sundbuxum!

2006-05-10T18:43:00.000Z

Ég bara trúi því ekki að Eldsmiðjulostætið er ódýrara en Dominos viðbjóðurinn!!!! Hneyksl! Við erum að tala um bestu pizzur bæjarins troðfullar af spennandi áleggstegundum vs. seigar hálfkaldar skorpur! og að meðaltali ca 3-400 kr í verðmun!

Annað mál á dagskrá: Ég fór í sund í dag í Vesturbæjarlaugina. Þegar ég togaði bikiní buxurnar úr vinstri rasskinn minntist ég þess allt í einu að hafa lesið grein eftir reiðan sundlaugargest Vesturbæjarlaugar í Fréttablaðinu. Að viðkomandi bara gæti ekki lengur farið í laugina því alir væru þar hálf berir! Og Anna togaði bikiníbuxurnar úr hægri rasskinn! Ég er að spá í að skrifa grein í Fréttablaðið og kvarta yfir því að fólk í sundlaug Vesturbæjar sé of mikið klætt! Að það gangi bara ekki fyrir fegurðarskyn mitt þegar fólk mætir í sundbuxum langt upp fyrir nafla og bikiní toppinn hangandi langt niður fyrir nafla....

Finnst bara í raun alveg merkilegt yfir hverju fólk nennir í raun að æsa sig og hvað þá að skrifa nafn sitt undir eitthvað álíka fáranlegt í miðlum allra landsmanna!

góðan próflestur og gangi ykkur rosa vel;)

2006-05-10T00:25:00.000Z

Talandi um að halda tryggð við furðuleg vörumerki (þar sem ég er nú að læra markaðsfræði þessa stundina)! Hvaða lið drekkur TAB???? Það er ekki neins staðar til og staðkvæmdarvara TAB kom út fyrir ca 15 árum og er meira að segja búin að breytast í CokeLight úr DietCoke. Auk þess minnir TAB mig alltaf á fertugar keðjureykjandi konur, ekki beint það mest töff í heimi! :)

2006-05-07T13:58:00.000Z

ah eitt enn.. (oh ég er svoo duglegur bloggari aftur allt í einu)

vildi bara benda ykkur á ÞETTA!!! er búið að vera í plani undanfarnar vikur og vinnuveitendurnir mínir eru að standa að! Supergrass búnir að tilkynna sig á hátíðina auk gjörsamlega rjómans íslenskrar tónlistar!!! Og við erum að tala um FÁRANLEGA lágt miðaverð, brjálaða skemmtun! Þetta verður æði pæði, allir að mæta!

Skilríki!

2006-05-07T13:43:00.000Z

Ég er svo aldeilis hlessa. Eftir allt of fáa mánuði verður mín 24 ára! Þegar mín fer hins vegar í bæinn eru enn svona 50% líkur á því að mín sé spurð um skilríki! Er búin að fatta að það fer doldið eftir fötum sem ég fer í! Var um daginn í stuttu gallaminipilsi og þá var ég nær undantekningarlaust spurð um skilríki! Í gærkvöldi var ég í grænakjólnum mínum og sokkabuxum og þá var ég bara eiginlega ekkert spurð! Hins vegar voru allt of mörg börn í bænum í gær og ég fékk þessa svakalega góðu ellismells tilfinningu :D Fullt af skilríkjalausum börnum í bænum sem komust ekki inn t.d. Já svo bjargaði ég líka einum sem var 2m á hæð frá því að fá blóðugan bjór- eeeen það er önnur saga. Ég var sem sagt á Manchester tónleikunum í gær og fékk rasssæri og hlustaði á tónlist í 6 klst sem var bara MJÖG gaman! :D Æðislega gaman að sjá Benna hemm hemm og Trabant, en ég hef aldrei SÉÐ Trabant á sviði, alltaf verið sjálf blindfull í trylltum dansi. Í gær sat ég hins vegar bara á harða stúkusætinu mínu og horfði = gaman :) Svo komu fullt af Manchhhhhester böndum sem voru sum full róleg fyrir minn smekk og önnur mjög góð. Fengum hins vegar ógeð kl 00:50 þegar einn gaurinn var enn að spila pling pling pling pling (kunni ca tvo hljómaganga) á píanóið sitt! Hitti svo fimmtugan Manchestergítarleikara í bænum (eða rakst á, hitti ekki viljandi!!) sem vildi eeendilega taka mynd af beautiful Iceland girl! Jæja þá er sumartíminn víst byrjaður með öllum ferðamönnunum! Mæli hins vegar ekki með því að lita á sér hárið dökkkkkbrúnt þegar maður er fimmtugur, doldið Tom Johnslegt ;) En aftur að skilríkjunum. Vaknaði svo svona frekar í seinnikantinum í dag, var ekki kona í heimsókn hjá mömmu.. Ég fór að tala um að ég ætlaði að læra út á palli og spyr hún mig ekki.. "já ertu í samræmduprófunum"! Já gaman að vera unglegur! *skrítinnkallásvipinn* Ég verð ánægð þegar ég verð fimmtug og allir halda að ég sé tvítug! :) Kannski er ég samt líka alltaf spurð því ég verð alltaf svo asnaleg á svipinn þegar ég labba inn á skemmtistaði og veit ekkert hvert ég á að horfa! Kækur frá því að maður var stressaður og skilríkjalaus :D

Hvernig er skilríkja statusinn á ykkur.. enn spurð?

2006-05-06T11:28:00.000Z

Jæja eitt eftir og þrjú eftir!
Aldrei upplifað afslappaðri prófatörn, þó ég sé nú virkilega búin að vera mikið upp í Odda.. en að hafa alltaf ca 9 daga milli prófa er bara MJÖG næs! :D
*
og viti menn.. aðeins vika eftir og þá hefst sumarið! Gæti ekki verið ánægðari með það! Svo margt skemmtilegt framundan: fer í brúðkaup strax í júní, svaka tónlistarhátíð sömu helgi sem vinnuveitendurnir mínir standa fyrir, næstum allir vinir vinnandi í rvk í sumar, línuskauta og sundklúbburinn starfrækur, ábyggilega útileigur, bústaður, rauðvínskvöld, djamm í borginni og sitthvað fleira :) Og ætli maður skelli sér svo ekki bara á þjóðhátíð? Eða jafnvel í skreppiferð til úglanda? Fæ svo að takast á við ný og spennandi verkefni í vinnunni í sumar svo það gæti ekki verið betra :)
*
Anna í sumarskapi að læra um markaðsfærslu þjónustu

2006-05-02T16:51:00.000Z

segjum bara að Rúnki sé fundinn ;)

síðastliðinn sólahring hef ég fengið að heyra, óumbeðin, sögur upp í Odda um:
hversu góður risotto réttur sé með sveppum og hvernig hann sé matreiddur

hversu vont einni finnst sellerí

að öryggisbil séu rooosalega erfið

að viðkomandi ætli núna að tækla prófið frá 2003

mismunandi reynslusögur um flugferðir og hversu barnavæn flugfélög eru

hvað það var nú leiðinlegt að bíða í 8 klst í vél á Heathrow

svo hef ég einnig heyrt frá annarri sem heyrði sögur um

pizzu og liðuga putta.

Ég er þó sjálf ekkert saklaus og hefur fólk í kringum mig fengið að heyra lærdómsaðferðir í vinnumarkaðnum og þróun hans, einkunin 6,5 var hafð nokkru sinni uppi, rafmagnsreikningar og innritun í iðnskólann!

djöfull er alltaf jafn gaman í Odda....

vantar bara 2 lítra coke og pizza manninn og sögurnar hans um sjálfstæðisflokksbundnar tölvusnúrur auk þess að fá að heyra hversu illa maður skrifar, að sjálfsögðu, þar sem maður er nú í kynjafræði.. as everyone ;)

Hvað eruð þið, Oddalingar, búnir að heyra skemmtilegt í dag og síðustu daga?

Ég held ég mæti samt með eyrnartappa tomorrow :D

2006-04-30T20:21:00.000Z

hó hó hó

komin aftur :)

Hins vegar lýsi ég hér með eftir bloggandanum. Hann sást síðast 5. mars á vappi fyrir utan herbergið mitt að reyna að komast að tölvunni minni. Eftir ítrekaða vonsku og leiða ákvað hann hins vegar að láta sig hverfa og lýsi ég því hér með eftir honum. Hann heitir Rúnar, er klæddur í spandex súpermanbúning og er alltaf að borða súkkulaðiköku. Þeir sem hafa séð til Rúnars, eða kökumylsnu, vinsamlegast látið mig vita í kommentakerfinu.. hans er sárt saknað...

enginn Rúnar........

............................... ekkert blogg!

2006-04-16T16:16:00.000Z

GLEÐILEGA PÁSKA ALLE SAMMEN!!!
njótið nú vel páskaeggjanna ykkar! :)
*
Hvaða málshátt fenguð þið?
Gátuð þið tengt við hann?
*
Minns man ekki sinn en það var eitthvað um að maður fitni ekki af því að segja eitthvað fallegt við fólk: sem sagt- ég má vera duglegri við að lýsa tilfinningum mínum :) Held ég megi alveg taka það til mín! :)

2006-04-14T17:35:00.000Z

Mig langar að óska elskulegri vinkonu minni til hamingju með trúlofunina, ég brosti svo breitt hringinn um helgina þegar ég heyrði fréttirnar.. og mun ég fara í brúðkaup til þeirra skötuhjúa í byrjun Júní! Innilega til hamingju, þið eruð sæææææææætust!
*
Færslan er nafnlaus þar sem ég vil ekki vera fréttaútburðarkona-
langaði bara svo að lýsa yfir gleði minni og blogga um það :)

2006-04-05T19:28:00.000Z

Jæja já.. kraftaverkin hafa svo sannarlega gerst í mars mánuði.

Ég tók afar stórt skref og keypti mér íbúð, sem ég mun skrifa undir á föstudag og fá afhenta bara tjah ætli það verði ekki beint eftir helgi? :) Það tók mig sem sagt 4 daga frá því að ég sá auglýsinguna að íbúðinni þangað til að ég var búin að kaupa hana :) Sama dag fékk ég líka leigjanda "hélt ég" sem beilaði reyndar og tek ég því með jafnaðargeði! Enda nýjasta mottó mitt, well þá átti þetta ekki að vera svona því eitthvað betra býðst :) Í sakleysi mínu í dag ákvað ég að setja auglýsingu inn á netsíðu og auglýsa íbúðina mína.. og minns er búin að vera fröken símadama í allan dag! Hvort sem ég var í sturtu, í tíma að flytja fyrirlestur eða sofandi! Vaknaði nú síðast við símtal: yes we are four in the family! Anna: four, but its only 57fm????? símarödd: yes very nice for a family.. ég hálf vorkenndi þeim :s Eftir að ég sofnaði aftur var ég alveg orðin rugluð og dreymdi að fólk hringdi í mig út af alls kyns dóti sem ég hafði lofað því, einn hringdi af Sólheimum og bað um spilin sem ég hafði lofað honum, sagðist geta boðið mér í staðinn rúnt á flotta kagganum (mynd fylgdi)! Þegar maður sefur á daginn dreymir manni asnalega hluti!! :D

Já og svo tók ég ákvörðun að fara í smá skreppitúr til Akureyrar og kem aftur á þriðjudag, hlakka virkilega til að endurhlaða batteríin áður en ég leggst yfir skólabækur.. verð líklegast busy byrjun næstu viku við að sýna alls konar tilvonandi leigjendum íbúðina mína auk pabba og fleirrum sem hafa áhuga á að sjá first impression :) Spurning hvenær ég læri undir próf?

Ég kláraði svo síðasta fyrirlesturinn minn í dag, held hann hafi bara gengið mjög vel og hafði ég bara gaman að! Ótrúlegt hvað námskeiðið tjáning og samskipti hefur gert mér gott! og ég er að fatta að ég á einungis eftir að sitja einu sinni með elskulegum vinkonum mínum í tíma *úffff* Háskóla Íslands tímabili mínu er að ljúka.....

2006-03-31T00:45:00.000Z

Ég kom inn..
-og fann þessa réttu tilfinningu
--mig langaði svo í hana
---brosti
----og hugsaði stöðugt um hana
-----og einhvern veginn var ég svo hamingjusöm
------með þessa tilfinningu að ég fékk roða í kinnar
-------það gerðist doldið dag
--------sem ég hef beðið eftir í smá tíma
---------en samt ekki áttað mig á
----------fyrr en fyrir stuttu
-----------að komið væri að mjög stórum atburði
------------í lífi mínu
-------------eitthvað sem maður gerir ekki á hverjum degi
*
Ég á íbúð!!! Í sætu sætu bakhúsi ofarlega á hverfisgötunni :)
Minns er orðin afar stoltur íbúðareigandi!

masterpís finished!

2006-03-28T06:45:00.000Z

Tilbúi er eitt stykki 2582 orða, 11 bls meistaraverk *mikil kaldhæðni*
*
Anna sem hlakkar til þegar hún hefur aftur tíma til að sofa-
bloggað kl 06:44

.....

2006-03-23T18:18:00.000Z

Ætli sé ekki kominn tími á færslu. Ég er samt alveg tóm! Búin að vera svo glöð og sæl síðustu daga- en eftir að hafa pínt mig til að skoða ýmislegt á netinu sem hellir smá sýru á hjartað er ég voðalega tóm. Smakkaði nýja fjólubláa tópasskotið í vinnunni auk nýja mentol ópalstaupsins. Mæli með hvorugu- en það hlýtur að hafa verið fyndin sjón að sjá allt starfsfólkið staupandi á fimmtudegi kl 12:13. Fékk fyndnasta símtal í heimi kl 2 í nótt! Ég var spurð hvort ég gæti mætt í heimahús með steiktan lauk, tómatsósu og hvítlauksbrauð! 5 min seinna var aftur hringt og spurt hvort ég gæti nú ekki verið svo væn að koma með súpu- æji svona núðlur í poka sko! Fleiri símtöl áttu sér stað.. ég brosti- fannst þetta mjög fyndið :) Best að brosa- það er skemmtilegast :)

ég er nörd!

2006-03-19T01:31:00.000Z

Þvilíka nördið ég í kvöld! Ég er búin að sitja í margar klst yfir æsispennandi skilaverkefni í rekstarstjórnun. Og ég er ekki kaldhæðin. Mér fannst actually ógeðslega gaman að fletta fram og til baka, brjóta heilann og finna sigurtilfinninguna þegar ég gat enn einn liðinn! nörd..

Í gær var ég ekki nörd! Ég keypti kjól sem ég endurhannaði í pæjukjól, keypti konfektmolaskó, pæjaðist, var full kl 18 í vísó, átti skemmtileg samtöl við frábært fólk, varð snögglega edrú þegar ég var farþegi í einstaklega spes strætóferð!!!, skemmti mér æææðislega á hverfisbar þegar við rokkuðum öll við borðið okkar, drakk appelsínubreezer í fyrsta skiptið í 6 ár, smakkaðist himneskt!, varð sveitt og rugluð, dansaði af mér lappirnar, fór í heimsókn, drakk rauðvín, stóð upp í þakglugga og skoðaði Hallgrímskirkjuturn og varð ástfangin af sætustu íbúð í heimi!

ég fer í ljós þrisvar í viku.....

2006-03-15T14:17:00.000Z

Hversu oft er ég búin að liggja í sólbaði, snúa mér eins og kjúklingi á teini.. jafnvel í tværi vikur-
og hvað gerðist-
ég kom heim með smá roða í kinnum..
nokkur tár hafa fallið..
það er ekki gaman að vera alltaf hvíta manneskjan..
örvænting greip stundum um sig..
brúnkubrúsi keyptur
en samt var ég.. með roða í kinnum
*
þeim sem langar að verða tannnnned- ég mæli með kúbu- ég var í sólbaði í 2 daga!
*
Núna get ég snúið mér að nýjum vetvangi- Oliver (skemmtistaðurinn) here i come!
Ég hlýt að vera ýkt velkomin í hnakkamelluklúbb Íslands! (ég er tönuð)
*
Ok ekki misskilja mig samt.. ég var búin að bíða eftir þessu síðan sumarið 2003 :D

Hasta la victoria siempre!

2006-03-08T19:24:00.000Z

og litli kommúnistinn er víst aftur komin á klakann.. land alsnægtar og kapítalismans!

Mikið var gaman að fá tækifæri á að sjá hið merkilega land Kúbu eins og það er í dag.

Breytingar hafa nú þegar orðið og munu verða fleiri næstu árin. En ég held það séu afar fá lönd í heiminum þar sem allir íbúar landsins fá jafna greiðslu fyrir framlag sitt til samfélagsins- 1000 kr á mánuði! Ekki hljómar það spennandi en allir fá þó eitthvað-enginn á ekkert!

*Allir fá ókeypis menntun, hvað sem þig langar að læra

*Allir fá ókeypis heilbrigðisþjónustu sem er á mjög háu stig

*Allir fá ókeypis húsnæði-þó á enginn bíla nema þeir hafa verið erfðir

*Strætósamgöngur eru ókeypis

*Hver einasti íbúi fær matarmiða- allir fá því nóg af hrísgrjónum og baunum í hverjum mánuði

*grunnþarfir allra íbúa landsins eru uppfylltar

*Hvað vantar, af hverju er kommúnismi ekki svarið við öllum vandamálum heimsins?

*
*Kúbverjar geta ekki eignast alla hluti heimsins. Þeir geta ekki keypt myndavélar, jeppa, uppblásna kynlífsdúkku, fartölvur, farmiða til útlanda auk fótanuddtækis. Augljóslega stórvægilegur galli..

*Áður en byltingin varð var meirihluti Kúbversku þjóðarinnar ólæs, kúgaður og bjó við mjög slæm lífsskilyrði. Eftir byltingu fengu Kúbverjar það sem er manninum fyrst í huga. Húsaskjól, matur, læknisþjónustu auk menntunar. Allir ánægðir. Nema hvað.. þegar grunnþörf mannsins er fullnægt langar hann í meira (þarfapíramídi Maslows) Hann langar núna í hluti. Fyrst hugsun gæti verið: mig langar ekki í hrísgrjón og baunir í öll mál- mig langar í kalkún og rjómaís! Rjómaísinn er hægt að fá en aðeins einu sinni í mánuði, til að ALLIR geti haft það gott þurfa allir að lifa á ákveðnum lágmarksstandard- allir lifa en þó ekki hátt. Er það frábært? Nei kannski ekki- það er ósanngjarnt að þeir sem eru duglegir, frumkvöðlar og útsjónarsamir fá sama 1000 kallinn og letinginn sem borar í nefið í vinnunni.

Flestir sem heyra um þetta líf, hrista hausinn, vorkenna fólkinu sem býr þar og hugsa um það frábæra líf sem við eigum-ein af ríkustu þjóðum heims.

Kúbverjar eru hamingjusamir en örlítil óhamingja kraumar undir niðri. Hún byggist á löngunum, þá langar að geta keypt meira og eiga fjölbreyttara líf. Ok frábært- hlutir munu þá víst gera okkur hamingjöm? Ferðumst 10 klst norðum með flugvél til ríkustu þjóðar í heimi.

Við eigum bíla, tölvur, gemsa, síma, ipoda, digital myndavélar, dvd, video, örbylgjuofna, þurrkara, þvottavélar, vélsleða, magaæfingatæki, fótanuddtæki, tölvuleiki, matvinnsuvélar.. og vá ég er bara að tala núna um tæki og hef ekki nefnt fjórðung af öllum þeim tækjum sem við eigum. Hvað með rafmagnstannburstan, útvarpið í bílnum og vekjaraklukkuna okkar..

og alla hina flokkana..

allar gerðir af mat sem við getum keypt okkur, öll þau föt sem við eigum, allar þær ferðir sem við getum leyft okkur að fara í, bílarnir sem við eigum og fallegu innréttingarnar í húsunum okkar. Djöfull hljótum við að vera crazy hamingjusöm. En hvern langar samt ekki í meira? Við kaupum-okkar langar í nýjan síma, flottari bíl, meiri rjómaís, öflugri tölvu, nýjan djammbol, nýjar nærbuxur og nýtt ilmvatn. Eigum við samt ekki síma sem virkar alveg þannig séð, bíllinn okkar keyrir, tölvan okkar virkar ágætlega enn, við eigum 40 boli í skápnum sem við notum misoft og ilmvötn eigum við 7 í skúffunni- notum samt bara 1. Þetta er allt gott og blessað! Ef við ættum nú pening fyrir öllum þessum, leyfist mér að kalla, -gerviþörfum- okkar væri þetta nú frábært. En hvað gerum við? Við tökum lán, lán, lán, vextir hér og afborganir þar. Við steypum okkur í skuldir, við vinnum fyrir hlutum og skuldum. Okkur líður illa með skuldabaggann sem fylgir okkur sem leiðir til vanlíðanar. En var ekki líf okkar svo frábært? Kapítalismi vs Kommúnismi- hvorugt er best!

Þessi ferð auðgaði innsýni mitt á heiminn!

Mig langar að losa mig við hluti...

Á skrifborðinu mínu er...

2006-02-25T01:18:00.000Z

bikiní
ævintýri góða dátans Svejks með miða inní sem ég má alls ekki týna!
prjónuð golla
2 sólgleraugu
introduction to linear programming (það hefti má sko vera heima, tek það ekki með)
strandkjóll
bókin um Che
hlírabolur
sólarvörn
miði með áletruninni "mig langar í mojito"
maskari
teyja með bíbí
myndavél
maskari
*
ætli ég þurfi nokkuð fleira?
*
18 klst í brottför

2006-02-21T23:42:00.000Z

Matareitrunar grenningaráhrifin virðast vera að ganga til baka! Sit hér og raða í mig makrílsalati með tuck kexi og makkarónu/ávaxtarétt með rjóma! Mamma var í veislu og kom með afganga heim í tupperware umbúðum, dóttur sinni til mikillar ánægju. Mér finnst reyndar orðið makríl óspennandi- en salatið er ansi gott!

Er í þeirri aðstöðu að hafa svo mikið að gera að ég veit ekki hvar ég á að byrja. Eða, ekkert heillar sem ég á að gera! Hvar finn ég til dæmis stjórnanda sem ræður yfir 30 manns sem ég þekki? Í hausnum á mér kannski? Gæti vel verið! Þetta verkefni er hins vegar jafn spennandi og úldnir sokkar. Mig langar hvorki að kvelja raunverulega manneskju með spurningum eins og: "Hversu mikilvæg er samskiptahæfni – lestur, skrif, munnleg tjáning, hlustun – í starfinu sem þú ert í? En innan fyrirtækisins?" né stjórnandann í höfði mínu. Hmm

Þess í stað skoðaði ég bloggsíður hjá vinum, bloggsíður hjá fólki sem ég þekki ekki neitt, skoðaði myndir hjá ókunnugum, hneykslaðist yfir ómálefnalegum umræðum á barnalandi, lagði kapal, var á refresh á mailinu mínu, skrifaði örsögu, skoðaði b2 og skoðaði hversu skyld ég væri því fólk sem mér þykir vænt um. Sía var fjarskyldust og ansi óþægileg staðreynd hver var nærskyldastur! :D

Klukkan á tölvunni minni nálgast 00:00, í gær fór ég að sofa klukkan -bílnúmer andrésandar- í kvöld verður það kannski -James Bond-

2006-02-18T23:24:00.000Z

Ógslega kúl, töff skiluruuuuu

Til hamingju, Ísland!

Sjáumst!

Mætti svona uppábúin í fjölskyldusamkundu vinkonu minnar þar sem vinkona mín tók á móti mér í bleikum nærbuxum yfir sokkabuxur í netabol og pels með vængi- auk skeggbrodda! Hún var nammi! Ég mætti í diskókúlu míni pilsi, sitthvorum glimmersokk, háum hælum, ógslega kúl töff belti og múnderinguna að ofan má sjá á meðfylgjandi mynd! Virkilega skemmtilegt kvöld með allt of mikið af kökum, pizzum, nammi, snakki og gosi. Ég ætla að gerast hvalur, leggjast upp í rúm og anda þar hægt og rólega- inn og út- 20x. Ef það dugar ekki fæ ég mér einn jägermeister fyrir meltinguna, set á bylgjuna og hoppa upp í sófa!

2006-02-17T00:18:00.000Z

Æji ég sakna ykkar á msn skemmtilegu vinir mínir :) Allir í hópferð í bíó eða á kaffihúsi (er það ekki ;)) það fólk sem er mér kærast. Ég var á meðan að spá í að dansa ljóta drauminn minn um ljóta drauginn í dansitíma, en í staðinn dönsuðum við með lokuð augun og potuðum í og beygðum og teygðum eitt fórnarlamb sem úr varð dans! Jamm ég á mér skrítið áhugamál :)
*
Eyddi afganginum af kvöldinu í svakalegu pirringskasti að reikna út að american airlines skuldar mér 1470$, verður gaman að sjá hvaða brot af þeirri upphæð ég fæ og hvenær það mun verða! Góða nótt allir :)

Valentínus.. ha hver?

2006-02-14T21:59:00.000Z

Í dag er sá dagur ársins þar sem allir flykkjast í búðir og kaupa rósóttar nærbuxur, bangsa með -ælovjú-, allt sem er hjartalaga og úr súkkulaði auk fallegra blóma. Til hvers?

Jú, þetta er í raun aldagömul kaþólsk hefð. Í byrjun fimmtu aldar hóf kaþólska kirkjan að halda Valentínusardaginn hátíðlegan. Árið 1969 endurskoðaði hins vegar kaþólska kirkjan almanak sitt og var þá dagurinn strokaður út af dagatalinu sem almennur hátíðsdagur. Dagurinn þótti byggður á of óljósum heimildum. En þó kirkjan hafi tekið daginn út af almanaki sínu fyrir 37 árum voru kaupmenn alls ekki á sömu skoðun og í dag er þetta einn af stærstu neysludögum ársins!

Skemmtilegar svona hefðir stundum.. og sú staðreynd að flestir hlaupa út í búð í dag og styðja kaupmenn, til að vera rómantískir á degi.. kaupmanna?

Ég eyddi deginum hins vegar í að hugsa um þekkingarstjórnun, gagnrýni, fyrirtæki, viðskiptavini, Peter Drucker, auk fleiri órómantískra hugtaka. Ég hélt þó í rúmar fimm mínútur hátíðlega upp á daginn þegar ég gleypti í mig bounty (það er amk súkkulaði!) og hugsaði á meðan um manneskjuna sem ég er skotin í.

Ég er ekki á móti rómantík, þvert á móti, það er fátt skemmtilegra en þegar manni er komið á óvart..

...............alla daga árið um kring! :)

2006-02-12T20:15:00.000Z

Eins gott að ég fann skipulagsdagbókina mína! Þessi rólega helgi sem átti bara að fara í það að gera verkefnið í stjórnun 3 rosa fínt og hafa það gott, breyttist í það að ég sit föst núna við tölvuskjá með límda putta við lyklaborðið og svitadropa á enninu. Ég er vanalega með einstaklega gott minni og man alltaf allt hvað ég þarf að gera en um þessa helgi var ég ekki það klár. Ég gleymdi nefnilega að ég ætti líka að skila:

*
*2 verkefnum í tjáningu og samskiptum á mánudag
*halda kannski fyrirlestur á þriðjudagsmorgni og búa til glærur fyrir það
*klára markaðsfræðiritgerð
*skrifa grein fyrir skólablað
*gera skiladæmi í rekstarstjórnun
*
Ég veit ekki hvernig mér tókst mögulega að gleyma þessu öllu en mér tókst það!
*

Gærkvöldið var annars hið frábærasta. Úlpa var algjör snilld og Mammút komu mér á óvart. Chilluð stemning þar sem setið var á gólfinu og sötrað bjór.. skyndilega breyttist þó stemningin þegar kastað var í okkur einhverju bandi sem reyndist svo vera ógeðslega töff lakkrísbindi.. sem mín varð alveg himinlifandi með veit samt ekki alveg af hverju :) Fór svo í dansaravideóklúbb tólf að hádegi í dag, ekki lengur með lakkrísbindi um hálsin, í reykmettuðum fötum, með stírur niður á nebba, vopnuð kleinuhringjum og í einum silfursokk!

2006-02-11T17:16:00.000Z

Ég er andlaus og skrítin. Gerði mér grein fyrir því áðan að ég þarf að klára 5 verkefni á 3 dögum, samt er helgi og mig langar að njóta hennar þar sem helgar eiga að vera skemmtilegar. Fór í verslunarleiðangur áðan að kaupa fullt af nærbuxum (sjá færsluna fyrir neðan) og keypti og keypti eitthvað meira.. Labbaði svo um miðbæinn, skoðaði hús, keypti kaffi og mátaði rjómabollu kjóla í rokk og rósum. Voðalega fínt að vera stundum bara einn með sjálfum sér og hugsa sinn gang. Ætla á tónleika í kvöld með Mamút og Úlpu- gæti orðið gaman :) Úlpa er að gera frábæra hluti, því miður var ég gjörsamlega úr jafnvægi og hágrét síðast þegar ég sá þá.. verð nú vonandi í betra skapi í kvöld :)

2006-02-10T23:19:00.000Z

Nú væri gáfulegt að skrifa eitthvað rosalega hnyttið og skothelt þar sem ég komst að því, eftir smá spæjaraaðferð, að heimsóknum fer fjölgandi.. Er þá ekki nauðsynlegt að gefa good first impression? Brosa sínu blíðasta og segja: "hæ nýja fólk"- *fegurðardrottningarveif*?
Eftir smá umhugsun ætla ég frekar að skrifa um nærbuxur!
*
Þegar ég var lítil átti ég fullt af svona fínum hvítum bómullarnærbuxum, sem búið var að sauma stjörnu í að framan svo ég myndi muna hvernig þær ættu að snúa. Þegar ég eldist var ég farin að skammast mín fyrir fínu stjörnunærbuxurnar og fínu bómullarnærbuxurnar urðu röndóttar, doppóttar og skræpóttar. Einn góðan veðurdag var allt í einu komið í tísku að vera með band á milli rasskinnanna og kinnarnar sjálfar berar. Skrítið, ef maður pælir í því! Svo fór ég að vinna í nærfatadeild.. sá ekkert annað en g- strengi daginn út og daginn inn og g-in urðu að t-um, þökk sé klámvæðingunni.

Eftir allt of mörg ár af margskonar litríkum bandanærbuxum í skúffunni minni hef ég ákveðið að segja bless.. Mér finnst bara ekkert kúl lengur við að hafa band í rassinum og ætla að fylla skápinn af svona hotpants eins og þessum grænu. Ósammála? *sé núna umræðu í aðsigi eins og með hvítu sokkana* ;)

2006-02-10T10:46:00.000Z

Ég sé risastórt rúm með fullt af fínum koddum og mjúka og hlýja sæng í hyllingum. Einnig sé ég fyrir mér 4 vöðvastæla gaura, einn sem nuddar tærnar á mér, annan sem færir mér kalt vatn með sítrónu, sá þriðji má fikta í hárinu á mér og sá fjórði syngja fallega. Skemmtilegt! Þetta var pælingin mín akkurat núna um hlut sem væri skemmtilegur, sofa! Allt annað en kennslustund í vinnumarkaðnum og þróun hans amk :)

Skemmtilegar kostningapælingar annars.. sem betur fer kaus ég, þar sem það munaði jafn mörgum atkvæðum og ég get talið á hendi mér að Vaka hefði fengið auka mann.. hefði ekki verið gaman að vera 1 af þessum 4-5 atkvæðum sem vantaði! :)

Gleðilega helgi!

Ég fæ að sofa eftir 87 min

Ég er með söfnunaráráttu..

2006-02-07T23:09:00.000Z

Ég er með ofboðslega mikla söfnunaráráttu, sem flestir vita sem þekkja mig. Ég safna til dæmis fötum í skápnum mínum, safna óviljandi emailum og safna óviljandi smsum.

Tók til í smsunum áðan og fann nokkur fyndin, sæt og skemmtileg sem mér þykir vænt um, hér er brot af safninu sem fyrirfinnst í símanum mínum:

Gæti lillan lánað síu sinni handklæði?

Hló endalaust þegar ég fékk þetta!

Talandi um áfengi þá er ég einmitt staddur í ríki hinna afengu drykkja, þar sem islendingar, sama hvort þú heitir Björn Jörundur, varst í Astarfleyinu eða rt sorphirðumaður sem enginn þekkir, staðna saman í röðum sameinaðir með aðeins eitt markmið AÐ DETTA Í ÞAÐ! Fallegri sjón hefur sjaldan sést síðan á Þingvöllum ári 1944 þegar sjálfstæði Íslendinga var lýst yfir.

Höfundur fær klapp á bakið fyrir að nenna að skrifa þetta allt í sms formi!

Gleðileg jól og hafðu það rosa gott um jólin. (Veit enn þann dag í dag ekki frá hverjum þetta er og það er pirrandi þar sem ég er forvitin manneskja)

alltaf jafn gaman að fá svona frumleg sms

Þetta er fullkominn staður! :0)

Því þar fattaði ég væri á sömu bylgjulengd og manneskja sem mér þykir ótrúlega vænt um

2006-02-06T15:15:00.000Z

ég er að melta..
.......................... hvað sé viðeigandi að skrifa
.......................................................................... og hvað sé það ekki
............................................................................................................megið telja punkana á meðan!

2006-02-01T23:19:00.000Z

Halló já hæ.. jú ég er hér.. já hæ :)

júú ég hef gert eitthvað síðan ég fór í smáralindarfataleiðangurinn og langaði að umbreytast í karlmann:) Ég átti alveg þrælskemmtilega helgi til dæmis. Ég var ekkert smá edrú í TM vísindaferðinni og kvöldið virtist verða svona hmmm æji veit ekki. Svo var skundað á Pravda og ákveðið að horfa bara á leikinn og það var sko horft á leikinn! Klapplið Morfís var mætt og missti maður sig gjörsamlega í bjórþambi og öskrum.. ÁAAAAAAAAfram ÍSLAND!!! Eftir það var þrælskemmtilegur trúbador á neðri hæð.. kunni samt ekki Rómeó og Júlía með Bubba.. frussss! En alltaf gaman að syngja lífið er yndislegt :D Veit ekki alveg hvernig ég fór að því á ca 1-2 klst að komast úr frekar miklum edrúleika og lala skapi í að vera í keppni inn á klósetti að skríða upp veggi! Eftir það varð kvöldið bara enn skrautlegra, skundað var svo yfir á Hressó í vökudjamm og ég tapaði glórunni í trylltum dansi, heimskulegum samtölum og að tala við skóinn minn sem síma.. Allir virtust vera á sneplunum.. leiðinlegt að ég var sjálf á hægri eyrnarsnepli svo ég tók ekki jafn mikið eftir því. Reyndar taldi ég mig vera "frekar edrú" þetta kvöld en eftir að velta aðeins fyrir mér "skríða upp veggi pælingunni" og sá myndirnar þá var í raun ekki aftur snúið! Ég var samt ýkt gáfuð í öllu mínu rugli að fara snemma heim um 2 leytið og varð ekkkkkert þunn næsta morgun *klapp klapp*
*

Restinni af helginni eyddi ég í MEGA leti, dvd, thai matur, innihaldsríkar samræður, prufaði bestu sæng í heimi, nammi og meira þannig rugl.

svo kom vikan og hvað gerði Anna litla þá?

Mig minnir að hún hafi verið rosalega dugleg, unnið, horft á landsleiki, fámennt inn í stofu eða fjööölmennt á stúdentakjallaranum (mæli eindregið með þeim stað ,ódýr bjór og eðalstemning yfir handboltanum :) svo hitti hún mentor barnið sitt, lærði doldið og fór svo í 1. danstímann sinn í dag. Hægra læri sagði strax "hæææ" 2 min eftir að tímanum var lokið, held ég verði að tala það smá til svo það nenni aftur samskonar píningum á morgun...

margt skemmtilegt á prjónum um helgina líka (áfengislaust þó) en ég ætla ekki að þreyta ykkur með því að misnota ykkur sem lifandi skipulagsdagbók og segji því bara bless í bili og verið hress..

versliversl

2006-01-26T22:03:00.000Z

Ég gerði doldið skemmtilegt í dag. Ég var stílisti og fataráðgjafi í 3 klst og lét greyið fórnalambið (það má grínast ;) missa sig í kaupæði. Ég held honum hafi meira að segja fundist þetta gaman? Hann keypti amk meira en mér tókst að kaupa í NY og var afrakstur dagsins:

*
gallabuxur
2 síðerma bolir
5 peysur
3 stutterma bolir
(minnir mig)

þetta er ágætis afrakstur á 3 klst fyrir byrjanda held ég :D Mér fannst fötin það flott að mig langar helst að eiga þau sjálf.. þó þau séu eeeh stráka :) Ég hef aldrei fengið að kaupa neitt stráka, enda sjaldan verið í sambandi. (nota bene er ég ekki í sambandi, svo þetta misskiljist ekki!) þannig að ég skemmti mér þrælvel og fór heim með sama pening á kortinu og ég lagði af stað í leiðangur.. Það er geðveikt gaman að versla strákaföt... hmm :)

hraðsending

2006-01-25T23:28:00.000Z

Ég fékk sent mjög áhugavert bréf með hraðpósti í dag.

Það var frá vissu flugfélagi. Mig klæjar í puttana að svara því enda hef ég aldrei á ævinni fengið jafn mikla anti-þjónustu. Ég er að spá í að svara bréfinu- þau eiga það bara svo skilið. Rúsínan í pylsuendanum er nefnilega að ástæðan fyrir því að ég fékk hraðsendinguna í dag er ótrúleg heimska viss starfsmanns. Ég var að spá í að skrifa kvörtunarbréf, áður en ég fékk hraðsendinguna, en mig grunar sterklega að ef ég skrifa kvörtunarbréf fæ ég bara staðlað bréf til baka að þeim þykir þetta rosalega leiðinlegt og biðjast afsökunar. En það er ekki nóg að hafa slík fögur orð skrifleg og til sýnis, heldur verður fyrirtækið að ráða til sín starfsmenn sem endurspegla stefnu þess. Ég hafði samskipti við vissa deild í rúma klukkustund og starfsmanni, nota bene yfirmanni tókst að áorka eftirfarandi 6 atriðum.

1)öskraði á 5 undirmenn sína fyrir framan viðskiptavini- og þá meina ég öskra!

2)afgreiddi sjálfur alla viðskiptavini í einu, samtímis- á meðan hann öskraði á starfsmenn sína.

3)öskraði svo á viðskiptavini

4)vanvirti og niðurlægði viðskiptavini í hverju orði (og ég meina virkilega hverju orði!)

5)hlustaði ekki á viðskiptavin sem útskýrði mikilvægt atvik, þrátt fyrir 4 tilraunir viðskiptavins til að ná athygli.. þar til viðskiptavinur gafst loks upp

6)toppaði svo allt með að týna mikilvægasta gagninu í málinu, sönnunargagninu!

svona yfirmaður á ekkert annað skilið en að vera rekinn!!

"við biðjumst velvirðingar/við biðjumst afsökunar/okkur þykir þetta leiðinlegt/við munum gera allt sem í okkar valdi stendur" voru svo sannarlega ekki í orðaforða viðkomandi yfirmanns- þó þetta væru fyrstu frasar sem manni gætu dottið í hug að væru viðeigandi í slíkum aðstæðum!

Ég veit að þetta eru sterk orð- en þau eru sönn!

Ég hef aldrei áður verið jafn hneyksluð á ævinni hvað stórt og þekkt fyrirtæki leyfir sér!

Vegna þeirra eigin heimsku- finnst mér þetta vera yndislega fín lausn.. takk heimska flugfélag! Ég skal sko sannarlega svara hraðsendingunni ykkar..

2006-01-25T13:54:00.000Z

*Það fer að styttast í svona look hjá mér! En ég er ekki með svona marga heldur bara einn og hann er sko heimatilbúinn! Hann á heima með hinu hárinu á höfðinu mínu en hann fer sífellt stækkandi.. á góðri íslensku kallast þetta víst flækja! Ég kýs að kalla þetta dreddann minn og er byrjað að þykja afar vænt um hann. Spurning að gefa dreddanum eftirnafn eða gælunafn. Ef ykkur langar að vera jafn hip og kúl og ég, þá er aðferðin bara að hætta að greiða sér! Ég á nefnilega ekki bursta og vil ekki nota bursta, því krullurnar mínar sem eiga líka heima í hárinu mínu fara í verkfall þegar ég tek upp burstann.. þetta var miðvikudagspæling dagsins!*

2006-01-23T23:30:00.000Z

Í dag..
svaf ég út þrátt fyrir að ég ætlaði að vakna kl 9
gerði jógaæfingar í kennslustund og við bjuggum til hljóðfærði með nefinu
stóð ég fyrir framan hóp af fólki og flutti kynningu
varð pínku rauð..
en var sagt að gera pulsu með tungunni og kæla mig þannig..
las 14 bls í leiðinlegustu bók í heimi.. á núna bara 72 bls eftir
hlustaði á 37 min brandara í vinnunni um hamskiptingu gauks og hákarls
lærði nýtt orð: kynlífsfullur!
drakk 100 ml af bjór
fór heim að lúlla
fínn dagur!

Þetta nú bara gengur ekki...

2006-01-22T14:46:00.000Z

hér skal áfram vera bloggað, af hversu miklum eldmóð sem það verður veit ég ekki en mér þykir bara svo vænt um þessa síðu mína að ég get ekki hætt! Ykkur til vonandi skemmtunar :)

Ég fór á föstudag í vísindaferð eins og næstum alla föstudaga og var það í þetta skiptið í Hausverk. Var vel veitt af breezerum og öðru góðgæti og var gaman að spjalla um listanám og hönnun. Leiðin lá svo á Pravda þar sem skellt var sér í drykkjuleiki: " bjór er góður með sígarettum og rækjum" stóð upp úr! :D Kíktum svo yfir á Hressó þar sem listakynning vöku var og Aldís vinkona var klöppuð upp þar sem hún vermir 13. sæti listans- til hamingju með það! :) Útlenski barþjónninn var duglegur að gefa okkur fullnægjingar á 350 kr og prómílin í blóðinu hækkuðu. Var svo skundað á *bíb* staðinn Oliver þar sem fertugir giftir kb banka menn hafa aðsetur auk ofursvalra töffara " að þeirra mati" í rósóttum skyrtum og með sólgleraugu! Kvöldið endaði með meiri drykkju, hitti fullt af góðu fólki, kynntist nýju góðu fólki og ruglaði í asnalegu fólki sem átti það skilið. " Hvað ertu gömul ellllllskan, *strjúk á læri*" - " 42 nú?" smjaður ógeðið var greinilega ekki að fíla húmorinn minn, gretti sig og snéri sér að næsta fórnarlambi, verði honum að góðu! Eftir að öllu klabbinu hennar Hjördísar var svo stolið var skundað heim á leið á brauðfótum. Ég hafði víst setið allt kvöldið og ekki alveg gert mér grein fyrir prómíl ástandinu sem fór víst versnandi! Borðaði 3 bita af Hlölla og sofnaði svo heima í öllum fötunum.

Í gær fór ég svo í bíóhús með henni Guðbjörtu vinkonu minni. Myndin var 150 min og af þeim 150 min var í 30 min tal í myndinni. Annars sá maður mynd af kindum, baunum, landslagi og kúrekum að ríða. Samt ágætis skemmtun og vissulega góð mynd með umhugsunarverð skilaboð. Tók svo við gott spjall til 2 og fór mín sátt að sofa þegar smsin byrjuðu að streyma inn:

einhver: can you call me back on this number?

Anna: ? who are you

einhver: whou are you Anna min

Anna: dont get your point or who u r! and i am sleeping

einhver: eg sendi ekkert góða nótt mín kæra

Anna: haha ok iss piss bull, góða nótt!

og þar með var samskiptum mínum lokið. Eftir uppflettingar á ogvodafone.is í dag komst ég að því að ég var að tala á ensku við vin minn Helga..!! en ég hafði grunað sterklega tvo aðra saklausa menn, einn út af enskri tungu hinn út af vissu orðalagi í skilaboðunum!

vonandi eruð þið hress með endurkomu mínu- ekkert hugarástand á að geta deytt heila bloggsíðu, blogg er góð afþreying og enn skemmtilegra ef fólk hefur ánægju af að lesa hugsanir manns! :)

2006-01-18T00:24:00.000Z

ég skrifaði hérna færslu en ákvað að eyða henni út. Ég held ég hvíli mig á bloggheiminum í smá tíma og taki upp gamla góða dagbókar mátann. Ég hef engan hvata til að skrifa hérna í bili og það sem kreistir hjarta mitt þessa stundina myndi ég aldrei setja hér inn..og akkurat núna hrapaði stjarna.. en því miður ekki þess lags stjarna að hægt sé að óska sér! heilinn á mér er frosinn, þeim sem þykir vænt um mig vita hvað dregur á daga mína, kannski er það nóg.. Ég tími samt ekki að ýta á delete og eyða út annagyda.blogspot.com.. eyða öllum skemmtilegum minningum hvað hefur á daga mína drifið síðastliðin 2 ár. Ég var víst ekki hérna á Íslandi um áramótin þegar maður gerir upp gamla árið svo kannski er fínt að gera það núna.. í nýju dagbókina mína..

Ætli sú setning sé mér samt ekki minnistæðust að : eftir því sem rigningin er meiri verður regnboginn eftir á fallegri. Ég ætla að trúa á þessa setningu..

2006-01-16T12:41:00.000Z

Halló.. ! :)
*

Vika síðan ég kom heim úr algjörri ævintýraferð, maginn smám saman að jafna sig og matarlistin að koma hægt og rólega. Ég hef annars sjaldan upplifað jafn mikið á 2 vikum. 11 Flugferðir, Lima, eyðimörk, steinakast á rútuna okkar, mörgæsir, kókaínte, endalaust mikið af fallegum inka rústum og sögum sem við heyrðum, naggrís á borðum, frumskógur, raaaaaki, píranjafiskar og apar. Fyrir þá sem hafa áhuga á að sjá myndir eða heyra smá ferðasögu verða bara að vera í bandi.. :)

Annars er ég alveg hoppandi glöð þessa stundina.. reyndar legg ég ekki í að hoppa, því ég finn til í hverjum einasta vöðvahópi líkamans og er fallega blá og marin. Ástæðan er sú að ég dansaði í 3 klst í gær.. var í inntökuprófi fyrir nýstofnaðan stúdentadanshóp eða "company" ef maður vill vera pró á því og var ekkert smá ánægð þegar ég fékk símhringingu um að ég væri "inni". Aldeilis spennandi tímar framundan :)

ég ætla annars að melta það næstu daga hvað ég geri við þetta blogg mitt, ég sé ekki alveg tilganginn í að skrifa hér lengur hvað ég geri á hverjum degi- .. og ég hef ekki lengur þörf á því að vera jafn persónuleg og ég hef oft verið í skrifum.. einhver ritstífla eða bloggleiði í gangi. Held að bloggbólan sé endanlega að springa.. eða sé löngu sprungin og ég bara enn að þráast við að skrifa.. sjáum til, kannski fæ ég uppljómun og pikka sem aldrei fyrr :) Hafið það gott

peru..

2006-01-02T23:06:00.000Z

Kaer kvedja til allra fra Peru sem lesa thetta blogg mitt :) Eg er varla ad atta mig a thvi ad thad se komid 2006 og nytt ar, thvi thessi ar voru engir flugeldar, ekkert aramotaskaup, ekkert snakk med dyfu og engin leleg party i midbaenum :D Eg vona ad einhver klippi ut mogga spanna fyrir mig og geymi thvi eg VERD ad sja hvernig nyja arid verdur hja mer hihi :) En eg er mjog spennt fyrir thvi, planid er ad ferdast enn meira.. vinna i bankanum i sumar og byrja i nyju nami i haust. Allt rosalega spennandu, auk allra hluta sem gerast og eru ovaentir og skemmtilegir :)

Eg skrifa ferdasogu thegar eg kem heim, sit herna i fjollunum eins og er og sotra kokainte. Buin ad vera i Lima og i eyidmorkinni og a eftir ad fara i frumskoginn og svo til NY ad versla.. verst ad eg hef bara einn dag.. verdur spennandi ad sja hversu miklu madur aorkar a theim degi hehe :)

Bid bara rosalega vel ad heilsa og hlakka virkilega til ad sja ykkur oll aftur eftir viku, madur fattar thad thegar madur er svona langt i burtu og kemst allt i einu i tolvu og les email fra vinum manns hvad madur hefur thad otrulega gott heima, frabaert lif, yndislega fjolskyldu og frabaera vini :)

2005-12-23T19:56:00.000Z

Mig langaði bara að óska öllu því æðislega fólki sem les bloggið mitt gleðilegra jóla! Hafið það rosalega gott, borðið á ykkur gat, njótið hátíðarinnar og tjúttið af ykkur rassinn um áramótin. Jafnframt langar mig að þakka ykkur fyrir gamla árið og vonandi munum við eiga jafn gleðilegar stundir á því nýja eins og árinu 2005. Ég er forvitin hvað 2006 mun bera í skaut með sér :) Ég kem heim frá Perú 10. janúar! Hlakka til að sjá ykkur þá!
*
jólaknús til ykkar allra, mér þykir vænt um ykkur :*

2005-12-16T15:34:00.000Z

Þar sem ég hef svo rosalega mikinn frítíma ætla ég að vera með í þessu þar sem þetta er skemmtilegt og ég hef fengið nokkrar umsagnir um mig hjá öðrum, allt frá lítið matargat og airwavesfari til lítils lams sem stendur ekki í lappirnar.. gaman að þessu ;) Þar sem samskipti tveggja einstaklinga eru alltaf mismunandi hef ég því ákveðið að vera með í þessu þar sem alltaf er hægt að finna eitthvað nýtt :)
*
sömu spurningar og venjulega..
*
1. Ég segi þér eitthvað handahófskennt um þig
2. Ég segi þér hvaða lag/mynd minnir mig á þig
3. Ég segi þér hvaða bragð minnir mig á þig
4. Ég segi þér eitthvað sem meikar bara sens fyrir mig og þig
5. Ég segi þér fyrstu ljósu minninguna mína af þér
6. Ég segi þér á hvaða dýr þú minnir mig á
7. Ég spyr þig að einhverju sem ég hef lengi velt fyrir mér um þig
*
vonandi verð ég mega hugmyndarík og kem með skemmtileg svör sem fá ykkur til að brosa og rifja upp gamla og nýja góða tíma..
Hvernig væri ef ÞÚ ert enn að lesa að ÞÚ kvittir með nafninu þínu í kommentakerfinu :)

ekki blogg fyrir vin minn Helga

2005-12-08T19:03:00.000Z

Jæja Helgi, hér færðu ekki bloggið um ekki tilkynninguna um ekki linkinn hans Helga. Helgi er frábær! Ég var vond við Helga.. hann hefur beðið spenntur eftir linknum sínum í marga mánuði og ekki neinn lingur birtist fyrir Helga en nú er hann kominn.. eða a.m.k. bráðum kominn! Helgi, hvernig væri að koma með einn brandara í tilefni dagsins, skrítlumaður! Bráðum verður ekki linkurinn að alvöru linki sem þið getið smellt á og fylgst með hvað maðurinn í Prag, bráðum Íslandi bráðum Köben er að gera.. en nóg af auglýsingum!

ég komst annars að einu um daginn.. þegar maður
*

*fer í ræktina

*kaupir gjaldeyri

*snattast meira

*fer út að borða

*hlustar á píanótónverk upp í rúmi

*slekkur á píanóverkinu þegar fiðlusarg byrjar..

gengur manni vel í prófi næsta dag! Er því hér með búin að ákveða að vera alltaf svona hrikalega vel undirbúin (eða amk halda það, þangað til einkunir koma í ljós) að taka mér bara frí og chilla daginn fyrir próf!

þraut dagsinns í lokin: Hversu margar * hafa birsts á þessari síðu frá upphafi breytinga?*

2005-12-06T00:04:00.000Z

þegar ég fer til perú..

þarf ég að ganga í síðerma bolum, ekki skærum, þar sem það hræðir dýrin, auk síðra buxna.. bæ bæ minipils!

-> ég mæti sem sagt í léttu ljósbláu bómullarnáttfötunum mínum. ógslega kúl!

sundföt þurfa að vera þröng þar sem annars er hætta á að fiskur éti mann..

->Hver á VÍÐ sundföt? Bara spyr, get sem sagt verið gella í bikiníinu mínu!

þarf að taka með marga penna, maður fær þá ekki lánaða í perú ef maður þarf!

-> spes!

ekki nota ilmandi sápur eða sjampó, borða nóg af hvítlauk og nota flugnaáburð með hæstu vörn!

-> ok, það verður hvítlauks, svita og fluguvarnarlykt af mér! jammmí

ekki má gera neitt fyrstu dagana í cusco til að fá ekki háfjalla veiki!

-> kúl, ég hangi þá bara inn á herbergi með niðurgang og með ofskynjanir af kókaínteinu!

svo var ég líka að frétta að ef mig langi að baða mig, þá er það hægt milli 17:30-18 þar sem "black flies" eru dauðar kl 17:30 og moskító ekki vaknar kl 18!

-> þá veit ég það!

fyrstu dagarnir munu því einkennast af því að passa mig að verða ekki rænd, svo tekur við háfjallaveiki með niðurgangi og kókaínte og þar á eftir verð ég bitin til dauða í náttfötunum mínum í frumskóginum!

2005-12-05T23:08:00.000Z

I'm here I´m here....... *ræskj heeeeeeeeeeere*

*búh* brá þér?

Vildi bara koma með formlega tilkynningu *ræskj tilkynnnnnnn* að ég ákvað ekki formlega að losa mig við alla linka og þar með vini.. heldur tók bloggið mitt þessa sjálfstæðu ákvörðun síðustu daga.. :) annars óska ég ykkur öllum sveittra prófdaga og mun koma aftur fílefld eftir fjarvistina!- ekkert krassandi að gerast, og því ekkert krassandi að frétta.. nema það sem er kannski óblogghæft ;)*

bloggað af hlöðunni.. takk!

2005-11-29T15:40:00.000Z

þar sem fólk er farið að kommenta hjá mér að ég púðri mig ekki nóg.. þá ætla ég að koma með blogg!

Hvað er Anna búin að gera síðan síðasta föstudag?

Anna fór á tónleika, óvart, á sunnudaginn.. hún fór með, því henni var boðið og bjóst við engu.. eða svona ágætri læripásu og smá tónlist! Hún var mjög fegin að hafa farið 4 klst síðar, því hún var viðstödd einn af merkustu tónlistarviðburðum íslenskrar tónlistarsögu síðastliðin ár!!! Og ég er ekki að grínast!

Sigur Rós..

þvílík LIST!!! þvílíkur performance-þvílíkur grátsöngur- þvílíkt klukkuspil-þvílík grafík- þvílíkt sjónarspil-þvílík fullkomnun! Ég hef aldrei á ævi minni farið á svona magnaða tónleika, það vor óteljandi hápunktar og ég hlusta núna oft á kameruna mína sem geymir nokkur hljóðbrot af tónleikunum! Ég sem gretti mig þegar ég heyrði áður í sigurrós, nú er takk í spilaranum! Ég settist á gólfið í höllinni síðustu lögin og hvarf inn í annan heim. Höllin tók á loft og um borð voru 5000 hlustendur sem svifu með tónlistinni til annara landa og út í geim.. hljóðin komu að ofan, frá hliðunum, fyrir aftan og það var spilað og spilað og spilað.. ég segji bara TAKK.. !

Í gær fór ég svo í sprautur, það var sérstakt! Var skíthrædd því við síðustu sprautu fékk ég risa blátt mar og gat ekki farið í ræktina í 2 vikur, núna sprautaði hann mig 3x á 20sek! Ég sagði bara "vá hvað þú ert klár" og hann sagði " ég sprauta 10.000 sprautur á ári" , takk fyrir, þá vissi ég það! Það mætti reyndar halda að heilsuverndarstöðin hafi gleymst í fortíðinni.. húsgögnin um 50 ára gömul, lesefnið var Birtan frá 2004, erlent tímarit frá 1997 (mjög fyndið að lesa það!) og vörulisti odda(nú veit ég að það er til límbandsleysir og skrautgatari, takk!! Afgreiðslustrákurinn hlustaði á gufuna! Ég og mamma lágum í kasti! Læknirinn var líka skrítinn.. en fyndinn.. sagði svo við kallinn í afgreiðslunni að ég ætti að borga fullorðnisgjald en ekki barna, takk , þá veit ég það, ég gæti verið 16 ára!...

Nú þamba ég bláan powerade og bryð ópal yfir samningarétti..

bestasta sjónvarpskvöld í heimi!

2005-11-25T08:57:00.000Z

Það hófst á bachelor: þvílík gargandi snilld að sjá svipinn á manninum þegar hún neitaði, næsta fékk rós og sú þriðja var ekki viss hvort hún vildi rós- HINNAR! Því hann var nýbúinn að tilkynna að hann væri miklu meira hrifinn af tveimur og þær myndu fá rós! Ég hélt ég myndi öskra úr hlátri!!

svo var ástarfleyið á dagskrá! Að sjá 5 fullvaxta karlmenn gráta úr sér augun og faðmast í klst var með því fyndnara sem ég hef séð- og setningin "þetta er eins og í góðri hljómsveit, rótarinn fær líka að ríða"! Af hverju horfir fólk á ástarfleyið? Ég held það sé til að sjá kannski eitthva krassandi, eins og fólk ríða í sjónvarpinu.. how sad is that.

svo kom the ultimate of the flottest.. sjálf Herra Ísland keppnin. Spyrlarnir geymdu möppuna sína upp á borði þegar þeir töluðu við viðmælendur svo maður sá vel á handritið þeirra, hver átti hvaða gula yfirstrikaða setningu.. og tók það mig styttri tíma að undirbúa næstu setningu en þau! Greyin! Svo kom auglýsing frá Zihr snyrtivörum, þar sem skírt var tekið fram að þetta væru HERRA snyrtivörur fyrir HERRA á öllum aldri! Næst birtist andlitið af tveimur brúnkudollum og svo var hafist handa að meika, púðra, maskara og kinnalita! Heyrði ég ekki HERRA snyrtivörur? Fínt að ég á ekki kærasta, sá hinn sami hefði nefnilega fengið flotar herra ZIHR snyrtivörur í jóló! Þetta er greinilega í tísku! Það var samt gaman að sjá stinna rassa og stælta vöðva, þó að mér finnist afríkubrúnir íslendingar yfirleitt ekki mjög aðlaðandi! Ég pældi líka lengi í því hvort hvíta röndin neðst á nærbuxunum væri í raun hvítt far eftir brúnkusprayið.. en svo var nú reyndar ekki..

fullkomið sjónvarpskvöld með eðal íslenskri dagskrá, meira svona!

mér finnst ekki gaman..

2005-11-21T14:26:00.000Z

mér er en þá óglatt.. ég er farin að hallast að matareitrun eða að mér hafi verið byrlaður einhver viðbjóður! Maður er ekki þunnur í þrjá daga og ég var aðeins of mikið veik á laugardagsmorgni miðað við regular þynnku!
*
Eyddi deginum í gær við að klappa, það var mjög skemmtilegt! Klappaði í 4 klst! og fékk mynd af mér og Hemma Gunn.. og söng voðalega mikið- vonandi gerði ég mig ekki að algjöru fífli í sjónvarpinu! Ef ég gerði það- þá getið þið skemmt ykkur yfir því um vorið á næsta ári..
*
svo sá ég í sorpritinu dv að ég hef farið í bíltúr út í fjöru með nauðgara..
*

mér finnst gaman...

2005-11-19T22:41:00.000Z

Ég er enþá þunn, ég er í raun veik! Labba um eins og ég hafi verið kíld í magann, japla á vínberjum og drekk kók eins og það renni úr krananum. En það var gaman í gær! Það var rosalega gaman! Mér fannst lika gaman að liggja á hörðum og köldum flísum í morgun inn á baði og bíða þangað til mér myndi líða betur og sofa þar smá.. veit ekki af hverju mér fannst það gaman! Hef ekki skemmt mér svona vel í slatta tíma, þ.e.a.s ekki inn á baði, heldur í bænum.. kannski því ég hef ekki verið svona rosalega drukkin lengi eða alltaf verið að bíða eftir smsi og senda sms.. núna var bara gaman, ekkert bull, ekkert rugl, ekki hitta neinn, ekkert vesen, engin særindi, ekkert leiðinlgt, bara gaman. Var orðin svo þvoglumælt þegar ég pantaði pizzusneið kl 5 að stelpan skyldi mig ekki- og full, en samt var svo gaman! Sem er frábært því ég veit ekki hvenær ég djamma næst... Það var samt ekki gaman að sjá slysið á Dillon, það var hræðilegt, og ég er þakklát eftir að hafa séð það að vera heilbrigð og eiga gott líf

einnig gerði ég annað sem er gaman, ég var að breyta framtíðarplönum mínum! Stórt skref, er smá hrædd.. en held samt að þetta sé fín ákvörðun! Eitthvað gott og skemmtilegt, og skuldaárin og vinnuárin standa aðeins lengur í biðröð eftir að ná athygli minni... sem er gott, því mig langar ekki að vera fullorðin strax! Það er pottþétt líka gaman, en ég er ekki á þeim stað núna. Vil ekki að eftir 2 ár sé ég búin að læra allt og vinna, íbúðarkaup og rútínaaaa taki við.. kannski einstaka matarboð, djamm af og til og árshátíð með vinnunni! Hef engan áhuga á þessu, og ætla að fresta því um 1 ár.. og gera eitthvað í 1 ár í viðbót sem mér finnst gaman! Stundum er svo gaman að vera til!

mig langar að læra svona...

2005-11-18T09:57:00.000Z

... en þar sem ég kan ekkert að gera svona, þ.e.a.s þar sem ég fæddist ekki með sauma né teiknihæfileika, þá þyrfti þetta að vera áhugamál, og því ætla ég að gera þetta að áhugamáli mínu!

Mig langar að taka þessi námskeið:
*
tískuteikningu: kennt er að teikna mannslíkamann á einfaldan (jess jibbí einfaldan!) hátt. Svo er farið í form og litafræði og svo er farið í grunnatriði litablöndur..

.. fara svo eftir það í búningasögu þar sem farið er yfir sögu og þróun klæðnaðar á vesturlöndum frá upphafi heimilda til fyrri heimsstyrjaldar. Breytingar og þróun á klæðnaði skoðuð, m.a. út frá stéttarstöðu og trúarskoðun og hvernig tískan endurspeglar þjóðfélagsbreytingar og helstu stefnur í lista og-stílsögu.

og svo....

námskeið þar sem fjallað er um hvernig tískan hefur þróast frá lokum fyrri heimsstyrjaldar til dagsins í dag og hvernig tískan endurspeglar alltaf tíðarandann. Kynntir verða helstu fatahönnuðir 20. aldarinnar og hvernig stíleinkenni þeirra hafa mótandi áhrif á smekk og klæðaburð!

Ég sit gjörsamlega slefandi fyrir framan tölvuna, hvað er ég að gera í viðskiptafræði?

2005-11-16T08:55:00.000Z

Ég mæli ekki með að fara í sætum blúndunærbuxum í ljós... maður fær blúndufar!!! Ég er actually með blómablúndufar á rassinum...!
*
ástæðan fyrir þvi að ég fór í ljós er að ég skrælni ekki í perú á 1. degi og þurfi að vera inni alla mína dvöl- gaman að vera naturally hvítur ;)
*
p.s. hverjir ætla í vísó á föstudag?

heilagrúsk!

2005-11-15T00:44:00.000Z

stundum langar mig roooosalega mikið að skríða í hausinn á öðru fólki! Labba upp stigann, skríða kringum eyrað- þar sem hurðin að heilanum liggur rétt fyrir ofan! Grúska smá, skoða skjöl og bækur í heilageimslunum, fá mér einn latte og súkkulaðiköku og sitja þar í marga daga! Þegar ég hef fengið nóg, ljósrita ég það sem mér finnst áhugavert, skelli hurðinni, læsi aftur kyrfilega og hoppa á næsta áhugaverða einstakling sem ég skil ekki.

Nei ég veit, auðvitað er ég ekki svona lítil að geta þetta ein en ég er með sérsmíðaðann aðstoðarmann sem er smár en knár og sniðugur og fyndinn og skemmtilegur og.. !

ok bullshit! Þetta er ekki hægt Anna..

en æji mig langar svoooo.. ok- en þá að allir hugsa eins og Anna, þá myndi ég skilja af hverju fólk gerir ýmsa hluti og af hverju það hagar sér svona og svona, og af hverju það segjir ekki hitt og af hverju það gerir ekki þetta en gerir hitt í staðinn fyrir þetta og...

nei það er ekki heldur hægt...

en lærðiru aldrei Anna, alla þessa fínu "samskiptaleiki"

.. ekki hringja fyrr en eftir 3 daga, ekki brjálast og fara að grenja við mömmu út af smáhlut, setja upp grímu, ekki vera of pushy, ekki horfa svona, ekki gera hitt, ekki segja þetta, ekki tala um sjálfa þig allan daginn,.. ekki ekki ekki..

nei þetta er of flóóóokið, Anna getur þetta ekki!

Anna hefur tekið ákvörðun..

Anna verður bara Anna...

(færsla byggist ekki á raunverulegum atvikum heldur frekar svefngalsa og heimspekilegra vangaveltna..)

til síu--- hugsaðu um regnbogann! ;)

2005-11-14T17:22:00.000Z

ég er að fara gera svona!
Þarna!
*
vei :)